李璨琛太太梁志瑩三度回應女兒李元元外貌被批 家長獲啟發：試下咁樣教仔女
李元元甘願為3歲妹妹清潔鼻孔
李璨琛妻子梁志瑩（Sophia）日前在社交平台上載一段影片，8歲李元元（Lucy）正細心地為三歲妹妹李斐斐(Sucy)清理鼻屎，毫無表現出任何嫌棄的神情，專注幫妹妹清潔鼻孔，展現出超越年齡的成熟和責任感，非常愛錫妹妹Sucy，媽媽也很感動。
李璨琛三歲細女李斐斐一行為獲讚天生聰明女 媽媽提早安排入讀名幼為升學鋪路
梁志瑩罕有回應女兒外貌被批
Sophia在分享影片時寫下一段感人的文字，她罕有近日外界對Lucy外貌的種種批評，坦言表示：
「家姐呢，就真係唔算生得靚㗎啦，你睇吓佢對含中眼，豬鼻仔同埋包包面，成個樣都係搞笑嘅」
但隨即話鋒一轉，讚賞Lucy的善良個性，並強調內在美的重要性：
「不過你睇吓佢對妹妹嗰種死心塌地，咁偉大幫佢撩鼻屎，就知道佢有一顆漂亮的心，個樣長期豬豬地都覺得佢零舍善良」。
這番話充分展現了一個母親對女兒品格的欣賞，認為內在美遠比外表更重要。
李元元2歲半妹李斐斐開學入讀名幼N班 媽媽梁志瑩親解兩女升學路大不同原因
李太先後三度發文回應女兒外貌批評風波
事實上，這並非梁志瑩首次就女兒外貌問題發聲。早前有網民批評李元元的外表，留言直接指「肥完全無問題，醜先至係問題！」媽咪Sophia隨即在Instagram限時動態引述這名網民的留言，並回應質疑：「生得醜真係有問題？個問題就係唔靚或者冇咁靚囉」，並以幽默的邏輯推理回應，表示「咁多人同你一齊有問題我呢個推理係咪好有邏輯？」：
「生得醜真係有問題？
個問題就係唔靚或者冇咁靚囉…
咁唔靚係咪真係有問題？
咁呢個世界上應該都好多人有問題.
咁就更加冇問題啦！
咁多人同你一齊有問題我呢個推理係咪好有邏輯？」
其後，估計梁志瑩收到很多網民的私人訊息，她在限時動態第二次發文，表示經過8年來面對各種評論的經驗，這些負面留言不會對她們造成任何情緒影響，並希望傳遞「生得醜其實係冇問題嘅」的正面訊息：
「搞到大家嬲咗添
（多謝你哋實在太愛錫我哋
冷靜啲同埋亦都唔需要擔心
經過呢8年沉浸式體驗呢啲comment
係絕對唔會賦予呢啲comment任何情緒
況且我哋亦唔需要對任何事情產生情緒
就算有一萬個人同我講我好樣衰我依然會覺得自己好靚
唔知醜係我嘅缺點同時亦係我嘅優點
我之所以將呢個comment post出嚟其實係希望傳遞正面嘅訊息：
生得醜其實係冇問題嘅因為一個人除咗靚同唔靚
仲有好多範疇可以賦予佢正面嘅價值」
小一李元元獲學校頒獎學金優良獎狀 1級得1個極難攞 獎項曝光 媽媽感觸
網民讚賞母女正面態度 有家長獲得啟發
梁志瑩的坦率分享和正面態度獲得不少網民支持，有人留言表示「媽媽嘅教育方式好正面」、「小朋友有愛心最重要」。也有網民認為她勇於面對外界批評，並將之轉化為教育機會的做法值得讚賞。此外，有家長從中獲得啟發，表示「試吓咁教仔女」。有人表示Lucy長大後會似媽媽，「女大十八變、 Lulu 大咗可能會似李阿媽咁靓嘅」，媽咪梁志瑩便回答「重點係就算繼續唔靚都OK嘅」，再度重申內在美、善良的重要性。
李璨琛太太梁志瑩心痛輕生學童 點名4大能力比成績更重要 8字金句寄語Lucy
不過亦有部分網民質疑公開討論孩子外貌是否合適，認為應該更加保護小朋友的私隱和自尊心。整體而言，大部分網民都被家姐李元元對妹妹的愛心所感動，認為這種姐妹情深、內在美比外表更加珍貴。
小一李元元校服裙被指有1大問題 媽媽特登？網民：其實佢較適合國際學校
