顏仟汶演活病態控制狂母！戲外長文惹家長共鳴 TVB出身捱到肝炎慘被遺棄
網民憂蔣祖曼人身安全 預估陳若思今晚失控弒母
自從昨晚阿Cat被鄭官（蔣祖曼飾）當場捉到後，不少網民已坦言擔心其人身安全，並預估今晚劇情走向。網民紛紛留言表示：「阿Cat俾鄭官斷正，實會發癲報復！」、「今晚肯定係弒母，個阿媽逼到佢咁！」、「好擔心鄭官之後會點，阿Cat癲起上嚟冇人性㗎！」、「睇劇照都覺得心寒，今晚一定要追！」
顏仟汶手起鎚落扑爆門 網民驚呼：癲中之癲
昨晚劇情中，顏仟汶飾演的Cat媽因無法接受女兒的行為，情緒徹底失控，在家中上演一幕「手起鎚落」扑爆門的戲碼，其暴戾神情與瘋狂舉動被網民形容為「癲中之癲」。鏡頭前，女兒陳若思被嚇到眼凸並瑟縮一角，畫面極具衝擊力，完美演繹出令人窒息的母愛所帶來的恐懼。顏仟汶的精湛演技，讓這個角色的壓迫感穿透螢幕，令觀眾不寒而慄。
藝訓班出身連續3年爆騷 做到肝炎入院仍被棄
顏仟汶在早前的訪問中透露自己原來是「第十五期無綫電視藝員訓練班」畢業，同期有黃德斌、林家棟等實力派演員。她由1989年加入藝訓班一路做到1995年，當時TVB百花齊放，自己更連續三年爆騷。「一廠係綜藝、二至五廠係Drama、七廠好似係sit-com、八廠係錄影帶……我嗰時92至94，連續三年都爆show！我由一廠《笑聲救地球》一路去到二至五廠，到八廠錄影帶都有我，嗰五年裡面我係一日跑幾組。」她形容當時日復日開工，完全沒時間消化角色，更因過度勞累而患上肝炎，住院足足一個月。然而如此拼命工作，顏仟汶卻在1995年約滿時不獲TVB續約。「呢個決定唔係我選擇，係嗰時95年約滿，TVB冇同我再續約，係自然流失嗰隻。」得知不獲續約時她大受打擊，直言「一定有！點解唔要我？我咁勤力，我拍咁多嘢，做到肝炎瞓一個月醫院，我真係有問過『我究竟衰咩呀？』」她坦承當時不敢上4樓、5樓找高層問原因，只能默默離開。離開TVB後她曾轉行做保險、髮型屋前台，甚至去馬來西亞拍劇，最終因欠缺機會而回港任職寫字樓。
入亞視僅10個月因性感相被炒魷魚
其後經好友陳梅馨引薦，顏仟汶加入亞洲電視，原本簽了兩、三年約，豈料僅10個月便被「炒魷魚」。她解釋被炒原因：「因為嗰時係好興影性感相，我就影咗比較尺度大啲嘅性感相，喺雜誌嗰啲，亞視就無啦啦炒我魷魚。」她再一次感到非常徬徨，直言當時電視台很多女星都有拍性感照，卻只有自己被「剁」。「A、B、C、D都喺度影緊，點解要剁我？其實好簡單，因為我small potato，咁咪用你殺一儆百，等其他啲花旦唔好再咁乜嘢。」
父患癌弟妹年幼豁出去拍三級片
顏仟汶失業後禍不單行，父親患上食道癌，而其弟妹只有兩、三歲，她必須肩負起養家責任。離開亞視後有更多雜誌找她拍性感寫真，最終被王晶導演賞識，拍攝了幾部意識大膽的電影及多套艷情片。她坦言當時沒有多想：「我都係冇諗，你行到嗰個位，你咁徬徨，你爸爸咁樣，我需要有收入維持我嘅生計。其實我拍呢啲尺度大嘅片，絕對絕對唔係因為爹哋，係因為我需要有生活費去支撐我嘅生活，我唔支撐到我自己，我點照顧爸爸？我點照顧細佬妹，咁細個，點樣去搞？」
顏仟汶直言要錢多啲不怕將來嫁唔到人
面對陳梅馨提醒她「你自己諗清楚喎」，顏仟汶當時的回應更是豁出去：「吓？我仲可以諗咩？拍啦，唔諗喇，我要錢多啲！我要收入囉，同埋都唔係個個都拍得，同埋嗰個年代又有好多……點講呢？我又會覺得睇到好多例子，都唔係一件咩大件事啫，咁咪是但啦。」她表示出道至今都沒有經理人幫她計劃星途，只能順著走，有什麼做什麼，甚至接三級片時也不會擔心將來能否嫁人。
近年返TVB演媽媽角色終獲認同
近年顏仟汶重新在TVB出現，參與《一舞傾城》、《反黑英雄》、《新聞女王2》等劇集，雖然全是媽媽角色，但她十分享受，也不怕被定型。「如果你一諗起啲特色阿媽就諗起我，我非常之welcome，我唔抗拒，開心都嚟唔切！」她指入行三十多年，近年能憑客串角色有人讚、有人留意，已是非常開心和鼓舞，更表示「我冇堅持錯」。這位性感女星經歷兩大電視台連環拋棄，最終憑著堅持重新獲得觀眾認同，證明了她當年的選擇並非錯誤。
網民熱議亞洲父母管教法 搞笑召喚張松枝幫拖
顏仟汶的演出成功引起網民巨大共鳴，不少人認為角色反映了現實中部分亞洲父母的控制慾。討論區湧現大量留言：「個阿媽好癡線」、「應該好多亞洲父母都係咁」、「佢阿媽呢種管教方法，最終唔係你死就係我亡」。更有搞笑網民在緊張關頭，竟召喚在《刑偵12》中飾演暴力人格的張松枝現身「幫拖」，肉緊留言問：「點解仲唔出嚟」，為恐怖氣氛增添一絲笑料。
顏仟汶社交網發文惹共鳴 「仔女唔係用來圓夢嘅工具」
對於這個極具爭議的角色，顏仟汶早前在個人社交網站發表長文，分享自己的看法，呼籲家長要懂得放手。她坦言內心極不認同角色的行為，並寫下金句：
「其實拍攝嘅時候，我內心已經好唔認同呢種令人窒息嘅愛，仔女唔係父母嘅附屬品，更加唔係用來圓夢、滿足期望嘅工具。小朋友成長需要空間、需要尊重，唔好捉得太緊，多啲信任佢哋、少啲壓力同責備。用心栽培，識得放手，仔女先可以自在長大、向陽而生。」
這番真誠的分享獲得大量網民支持，認為她道出了許多子女的心聲。
