唱錢｜詹天文一雪前恥再唱《煎熬》！Eric Kwok激讚：長大咗好多

昨晚連過九關 詹天文挑戰《煎熬》獲高分

18歲的詹天文（Windy）在《唱錢》節目中表現技驚四座，憑著穩健的聲樂底子，一口氣連過八關，當中包括《煞科》、《難得有情人》、《痛愛》及《蜚蜚》等高難度歌曲，每關均獲得接近或超過90%的綜合成績。來到最後一關，Windy挑戰被視為魔王級的歌曲《煎熬》，最終以94.4%的驚人高分成功擊敗Monster，成為繼張與辰、側田後，第三位成功闖關的歌手，為家庭觀眾贏得30,000港元現金獎。

Eric Kwok激讚詹天文進步神速 「功力係進步咗」

節目音樂總監Eric Kwok（郭偉亮）賽後對Windy的表現讚不絕口，坦言見證了她的巨大成長。原來當年Windy在《聲夢傳奇》參賽時，正正就是Eric Kwok狠批她未能駕馭《煎熬》。為了助她一雪前恥，Eric Kwok賽前特意提醒她用「靈魂出竅」方法演唱，專注音準與拍子。看到Windy成功克服心魔，他激動表示：「確實係長大咗好多、成熟咗好多、進步咗好多，功力係進步咗嘅。」更心痛地提醒她：「聽得出佢把聲好攰呀其實，都𠝹緊喺啲位度，你今晚可能要飲啲嘢補番把聲，聽得到有少少損咗。」

重提《聲夢》黑歷史 詹天文曾被指Handle唔到

這次成功挑戰《煎熬》對Windy而言意義非凡，全因這首歌是她昔日的「黑歷史」。當年她參加《聲夢傳奇》時，第二個回合便選唱此曲，但表現未如理想，更遭評審團質疑。Windy在《唱錢》節目中亦坦言：「嗰時我係不如理想，啲評審覺得我係 handle 唔到，當時 Eric Sir（評審之一）都話我未 handle 到呢首歌。」事隔數年，Windy在同一個評審面前，以同一首歌證明自己的實力，成功洗刷污名，相當勵志。

網民洗版式力撐 「聽得出喊住唱」

節目播出後，大批網民湧入討論區留言，對Windy的進步感到非常驚喜和感動，更稱之為「最勵志的一集」。不少看著她從《聲夢》出道的觀眾都表示「睇到眼濕濕」。

「由《聲夢》睇到而家，真係大個女啦，唱功進步超多！」
「呢集《煎熬》聽得出係有故事，好似喊住唱咁，好有感染力！」
「Eric Kwok由當日話佢handle唔到，到今日讚佢功力進步，呢個畫面太感人！」
「Windy好嘢！用實力證明自己，呢啲先係歌手！」
「求下TVB俾多啲機會Windy，佢絕對值得一個紅館舞台！」