李泳漢公開多條驚人絕密錄音 細孖夫婦疑操控鼎爺對話曝光 網民爆講真話係佢！
最新：李泳豪被指操控軟禁李家鼎 逐點還擊哥哥錄音指控 妻子核對數目現離奇結果
李泳豪母親節未能拜祭亡母施明 苦笑透露原因 3字評價孖生哥哥李泳漢
李泳漢公開影片指鼎爺曾向他求救
事件要追溯到鼎爺日前接受訪問，公開多段WhatsApp及電話錄音，力證長子李泳漢多年來將他當成「人肉ATM」，謀取其200萬定期存款，鼎爺更一度哽咽令人心酸。細仔李泳豪其後亦接受訪問，表示母親施明的遺產及李家鼎所有財產都交托給他處理，並透露鼎爺現時行動不便，連洗衫都做不到，自己同太太都會照顧鼎爺。
然而李泳漢5月9日高調反擊，公開一條聲稱是去年6月的影片，指李家鼎當時向他求救，稱自己被李泳豪兩公婆軟禁，連網上銀行密碼都被更改，沒有錢用，希望李泳漢給他送飯。
鼎爺錄音中大叫：我唔行得出去㗎！
影片中最震撼的部分，是李泳漢趕到李家鼎家中後，鼎爺竟然不敢出門，怕被李泳豪及細新抱Agnes知道，李泳漢惟有隔住門與父親對話。李泳漢在錄音中質問：
「點解你要咁聽佢講？係咪你唔聽佢話又要罰錢呀？啲錢轉晒佢Account呀？咁佢日日罰你都得㗎喎！佢根本搵藉口嚟攞你錢，同搶冇分別」
更直指「你加佢名唔係Approve佢咁轉錢，咁係詐騙行為，我依家叫你行出嚟，你Stay喺度就愈多麻煩」。
李泳豪首談父母財產安排 李家鼎健康惹關注 泳豪夫婦全面照顧
而李家鼎在錄音中大叫：「我唔行得出去㗎！」當被問到是否被軟禁在自己屋內、是否李泳豪所為時，鼎爺連聲確認：「係呀！係呀！」這段錄音內容與鼎爺早前公開指控李泳漢的說法形成極大反差，令整件事情更為撲朔迷離。
最新：李泳豪被指操控軟禁李家鼎 逐點還擊哥哥錄音指控 妻子核對數目現離奇結果
錄音揭李泳豪對鼎爺態度惹爭議
除了軟禁指控外，李泳漢亦公開了另一條細佬的電話錄音，當中李泳豪對李家鼎的語氣相當強硬。錄音中李泳豪指鼎爺經常講大話：
「你最叻㗎啦，擘大眼講大話，講嘢冇公信力，事實擺在眼前，一毫子都冇嘅人（指李泳漢），唔係你畀係邊個畀呀？你真係侮辱人哋嘅智慧，你會唔知？你乜都話唔知㗎啦！」
另一條錄音中，細孖李泳豪更對鼎爺說：「我雖然就唔知你同我阿叔、姑姐係點樣相處，但到今日點解你哋咁唔Friend，我已經睇在眼內，心裏有數，或者你哋大家都有問題，但你都係好有問題，三叔有一句好啜核：『你老竇呀一世夠運！』講完㗎啦，其實真係喎，依你咁樣做人方法，唔係畀人打就唔會喺呢行撈。」，語氣中帶有明顯的不尊重。
李泳漢表示公開這些錄音，明顯是要反駁早前鼎爺指控他不孝的說法，試圖證明真正對父親不敬的人另有其人。
李泳漢李泳豪學歷背景大揭祕 大孖3間名校出身 曾幫母校籌款 李家鼎曾為孫兒鋪路讀兒子母校
弟婦林妤謙Agnes被指控制鼎爺財政大權
李泳漢的指控不止針對李泳豪，更將矛頭指向弟婦林妤謙Agnes。其中一條錄音中，李家鼎透露Agnes要他「乖乖就範」：「佢一入嚟閂窗閂玻璃，你唔好嘈，唔好郁呀，一郁我就嗌救命。」另外三條錄音則顯示Agnes對鼎爺的財務有極度嚴格的管控，包括要求鼎爺「整車都要攞單」才可以報銷，「記住呀，你整車都要攞單，我要睇一睇張單上面幾多錢，先可以畀你。」
李家鼎公開震撼錄音大踢爆 鼎爺最後一著曝光 李泳漢爆粗以1物威脅老父：你吹呀
錄音中，Agnes又精確計算其生活開支，「燈油火蠟水電一個月都唔會超過3萬，你唔好同我扮嘢喇，你所有啲數，我哋都同你計咗㗎，你自己都寫過出嚟，你每3日就半隻雞，你淨係鍾意食蒸雞，咁可以用幾多錢呀？你又唔出街，你呢個月使多咗錢，就係買多咗個手提電話，因為你自己掟爛咗部手提電話，你冇其他消費，總之，聽清楚16萬6千幾，就係你7月至11月嘅生活費。」Agnes更曾對鼎爺說：
「我老公細個你點教佢㗎，畀你咁多就係咁多，你自己想用就自己想辦法，咁如果你冇錢仲碌卡，就要自己負責喇，你唔好唔記得咗，你嗰日趕趕趕，趕出去想撳錢，跟住你撞車呀，連個天都唔畀你做呢件事，你自己諗清楚。」
不過報導亦指出，這三條錄音雖有提及鼎爺的理財，但Agnes的態度及語氣不算太沒有禮貌。
李泳漢指控背後動機：李泳豪想整死我
李泳漢今次高調反擊，核心指控是李泳豪及太太正軟禁李家鼎，而鼎爺早前對他的所有公開指控，都是受弟弟指使。李泳漢認為李泳豪的目的是要「整死」他，令他身敗名裂後無人再與李泳豪爭家產，「李泳豪兩公婆出發點係爸爸同媽媽身家，佢哋根本就係鋪定路行呢一步，要整死我，等冇人同佢哋爭家產。」
李泳豪獲鼎爺託付任執行人 喪母後首現身復工 罕有高調放話疑宣戰惹關注
網民熱議錄音真假：楊思琦先係真話
事件曝光後，網民對這場家族羅生門議論紛紛。有網民表示「鼎爺兩邊都講唔同嘢，到底邊邊先係真」，亦有人感嘆「老人家夾在兩個仔中間，最慘都係佢」。
此外，部分網民對李泳漢公開的錄音質疑其真實性，各人提出疑點重重，「嘩 好流囉 李家鼎把聲後生左20年 其實佢有無諗過偽造錄音係犯法」、「如果軟禁係真，點解唔報警」、「就咁聽落鼎爺似Hea覆」、「態度似敷衍唔似求救」、「聽完錄音大個個軟禁錄音好明顯細佬兩公婆唔俾佢出去俾錢大佬喎」、「我聽左幾次，細佬兩公婆似係阻止佢老豆再俾錢佢大佬喎」，又有人再度重提泳豪前度楊思琦，「到最尾原來楊思琦講既（嘅）先係真話，成家都痴線」。
不過亦有網民認為「有錄音有片，唔似作」。更有網民感慨「親情喺錢面前真係咁脆弱」，對鼎爺的晚年生活表示擔憂，希望事件能夠得到妥善解決。
