李泳豪公開無刪剪錄音護爸護妻 揭李泳漢爆粗恐嚇李家鼎心寒內容
李泳豪被指操控軟禁李家鼎 逐點還擊哥哥錄音指控 妻子核對數目現離奇結果
鼎爺非被軟禁：老竇係怕咗佢，唔想出去
對於李泳漢聲稱鼎爺被「軟禁」的指控，李泳豪在5月9日晚上正面回應，直指所謂軟禁根本是鼎爺被大仔李泳漢嚇到不敢開門：
「其實我老竇係怕咗佢，唔想出去，所以佢（李泳漢）問係咪細佬軟禁你，鼎爺咪話：『係呀！係呀！』」
李泳豪直言鼎爺經常入電視城與他食飯，又會一起去九龍城買餸或者整車，不少TVB同事曾經目睹，足以證明他從來沒有軟禁鼎爺。事實上，真正令鼎爺足不出戶的原因，是長期被泳漢苛索至積蓄見底，承受恐怖情緒勒索，焗住向細仔求救。
鼎爺積蓄被掏空曾向人借錢度日
李泳豪透露鼎爺曾經親口向他訴苦，指頂唔順大仔不斷索錢，開始無錢見底。李泳豪跟爸爸表示：「有咩推俾我就得。」不過，泳豪之後發現鼎爺仍然偷偷供養李泳漢，去到危急關頭叫他不要再取錢，但轉頭又俾，令李泳豪非常忟憎。鼎爺早前公開確立李泳豪作為其財產執行人時更坦言：
「有得做就一定要做。以前一向係人哋搵我借錢，而家衰到問人借返轉頭。」
追問下鼎爺稱沒法計算被苛索多少，只粗略估計至少200萬。
李泳漢公開多條驚人絕密錄音 細孖夫婦疑操控鼎爺對話曝光 網民爆講真話係佢！
200萬定期存款聯名戶口計劃被破壞
李泳豪透露曾計劃與鼎爺開設雙簽聯名戶口，原意是保護爸爸辛苦工作得來的積蓄：
「泳漢成日催鼎爺嗰200萬定期，夠期就攞錢出嚟俾佢，而且鼎爺每月啲錢用得太誇張，我提議開個聯名戶口幫佢睇住盤數，呢個戶口仲係雙簽唔係單簽。」
泳豪表示當時已與爸爸簽好申請書，計劃將200萬定期完結後直接轉入聯名戶口，除了李泳漢一家使費不會批核之外，那筆錢只會給鼎爺生活費及媽媽施明醫療、生活費。可是好景不常，計劃最終被李泳漢從中破壞：
「定期結束佢哋夾住鼎爺去銀行，取消定期完成就轉去聯名戶口申請，嗰筆錢放返去鼎爺個人戶口。」
李泳豪母親節未能拜祭亡母施明 苦笑透露原因 3字評價孖生哥哥李泳漢
Agnes完整留言被刪改揭75萬不明轉帳
李泳豪在5月9日晚上公開太太林妤謙Agnes給鼎爺WhatsApp留言的完整版本，發現很多關鍵內容被人刪除，故此李泳豪向傳媒公開錄音的完整版本。在完整留言中泳豪太太Agnes直斥鼎爺講大話：
「你唔好再話冇，銀行statement黑字白紙印喺嗰度，除非銀行講大話，咁你可以告銀行，點解我戶口無啦啦少咗75萬唔合理，啲錢留返自己用。」
Agnes更列出多筆巨額轉帳：
「75萬、45萬、20萬、43萬咁樣fing出去俾人，唔好話無呀，銀行statement清清楚楚寫晒出嚟，一張張一筆筆現金數出咗去，啲數幾十萬幾十萬咁出咗去，你話無係唔合理。」
李泳豪指哥哥李泳漢公開的錄音版本刪走了上述啲關鍵內容，明顯企圖營造出新抱Agnes惡待老爺的假象。李泳豪提供老婆Agnes無刪剪、完整錄音如下：
「燈油火蠟水電一個月都唔會超過3萬，你唔好同我扮嘢喇，你所有啲數，我哋都同你計咗㗎，你自己都寫過出嚟，你每3日就半隻雞，你淨係鍾意食蒸雞，咁可以用幾多錢呀？你又唔出街，你呢個月使多咗錢，就係買多咗個手提電話，因為你自己掟爛咗部手提電話，你冇其他消費，總之聽清楚16萬6千幾，就係你7月至11月嘅生活費。
「我老公細個你點教佢㗎，畀你咁多就係咁多，你自己想用就自己想辦法，咁如果你冇錢仲碌卡，就要自己負責喇，#因為你撳錢出嚟俾人，你唔好唔記得咗，你嗰日趕趕趕，趕出去想撳錢，跟住你撞車呀，連個天都唔畀你做呢件事。#你自己諗清楚，#總之我做新抱，#我老公做細仔，#淨係可以幫你睇住條數，#你唔好講係燈油火蠟，#你一個燈油火蠟都用唔到75萬，#但你轉咗75萬俾人，#你唔好再話冇，#銀行statement黑字白紙印喺嗰度，#除非銀行講大話，#咁你可以告銀行，#點解我戶口無啦啦少咗75萬唔合理，#啲錢留返自己用。」
李泳豪獲鼎爺託付任執行人 喪母後首現身復工 罕有高調放話疑宣戰惹關注
施明休養期間離奇仍有卡數惹疑
最令李泳豪感到氣憤的是，施明在2022年12月入院動手術後一直在家休養，甚少外出，但鼎爺竟然仍幫前妻還卡數。兒子李泳豪質疑：「鼎爺直至幾個月前，都仲幫我媽還卡數，據我所知，我媽出事之前剩餘卡數，我爸已經幫佢清晒，但點解出事後，喺一個在家休養、無碌卡情況下，鼎爺仲要幫我媽還卡數呢？直至幾個月前仲還緊喎，我覺得好有問題。」李泳豪表明會經法律途徑調查，找會計師查帳，到時帳目一目了然。
李泳漢曾爆粗恐嚇鼎爺：撳X住你，剪X咗你條脷
除了財務問題，李泳豪更揭露李泳漢曾經對鼎爺出言暴力恐嚇。事緣李泳漢不滿鼎爺拒絕為保單認頭，竟然講出：
「信唔信我撳x住你，剪x咗你條脷，橫掂你講嘢言而無信。」
這段恐嚇內容令人震驚，兒子對自己爸爸講出如此狠毒的說話，難怪鼎爺會怕了大仔不敢開門。李泳豪為保護鼎爺決定不再啞忍，公開完整錄音版本還原事件真相，讓公眾自行判斷。
李泳漢李泳豪學歷背景大揭祕 大孖3間名校出身 曾幫母校籌款 李家鼎曾為孫兒鋪路讀兒子母校
李泳豪認對鼎爺態度曾差：唔想佢再畀咁多錢泳漢
對於李泳漢公開的錄音中，李泳豪兩公婆對鼎爺態度確實不太好，他承認並解釋：「因為阿漢（李泳漢）成日問阿爺攞錢，攞到我哋都要睇住啲數，唔俾錢阿漢囉，阿爺又唔聽，咁有陣時言談之間就會忟憎囉，其實就咁簡單囉，大前提都係唔想佢再畀咁多錢阿漢。」李泳豪強調一切出發點都係為了保護鼎爺，不想老竇繼續做「人肉ATM」被掏辛苦工作得來的積蓄，所以才會語氣急躁，但絕非如李泳漢所指的軟禁。
李家鼎公開震撼錄音大踢爆 鼎爺最後一著曝光 李泳漢爆粗以1物威脅老父：你吹呀
