中年好聲音4｜Rock友鄭仲豪自彈自唱冧老婆！竟獲反對者肥媽破例激讚

鄭仲豪自彈自唱Beyond金曲 指向老婆Sweet爆全場

「Rock友」鄭仲豪昨晚選擇「進取之路」，手持結他自彈自唱Beyond的《不見不散》，與現場Live Band配合得天衣無縫，其略帶沙啞的歌聲充滿搖滾味道，表現如魚得水。當他唱到其中一句「完全是因你可以在旁」時，更驚喜地指向坐在觀眾席上的老婆，公然放閃，甜蜜舉動引來全場歡呼，Sweet到爆！

肥媽破例激讚：你對音樂嘅執着係做到

鄭仲豪的精彩演出最終奪得89分高分，直接晉級。他解釋選曲原因時表示：「我一定要同我嘅理想講不見不散，咁樣我先可以成為更好嘅人，令愛我嘅人值得擁有更好嘅我。」令人意外的是，一向極力反對參賽者自彈自唱的肥媽，今次竟破例大讚：「值得嘅，你對音樂嘅執着係做到。」肥媽的肯定，無疑是對鄭仲豪實力的最大認可。

網民大讚搖滾暖男：呢啲先係真男人

節目播出後，鄭仲豪的「搖滾暖男」形象深入民心，網民洗版大讚。「識Rock又錫老婆，呢啲先係真男人！」「竟然可以令肥媽改變主意，堅勁！」「自彈自唱Beyond嘅歌，型到裂開！」「佢望住老婆嗰下真係甜到漏！」「89分實至名歸，期待佢之後嘅表演。」