中年好聲音4｜東方不敗尹景順唱《阿嬤的話》悼亡婆！93分全晚最高分震驚全場

尹景順強忍淚水憶亡婆 獻唱《阿嬤話》

壓軸登場的「東方不敗」尹景順，選唱了蕭煌奇為紀念祖母所創的閩南話歌曲《阿嬤的話》，獻給已離世的婆婆。景順透露自小在婆婆家長大，感情極為深厚，他在台上強忍淚水憶述與婆婆的相處點滴，雙眼充滿思念之情，哽咽說：「阿婆對我嚟講係非常非常重要嘅一個人，雖然佢依家唔喺度，但係佢以前講嘅每一句說話，我都會記一世。」他坦言因婆婆病逝時未能趕及見最後一面，但他卻沒有遺憾，更說出金句：「人喺度嘅時候只要對佢夠好，就唔需要遺憾！」

肥媽爆喊：你搞到我喊到成隻狗咁

尹景順真情流露的演唱，即使觀眾與評審聽不懂閩南話，其歌聲依然直擊人心，引爆全場「催淚彈」，最終豪奪93分直接晉級！評審肥媽激動得哭著說：「你搞到我喊到成隻狗咁，你要明白我有17個孫啊！你帶到我哋去一個好溫暖、好溫馨嘅家庭裏面，每一粒音都到位，同埋畀到個 Message 我哋。」同樣與婆婆感情要好的海兒也隔空向自己婆婆示愛：「婆婆都有睇《中年好聲音4》，想同婆婆講婆婆 I love you，我愛你！」連一向「冷血」的周國豐亦被深深感動，大讚景順：「你好厲害！」

網民洗版勁感動：聽唔明都跟住喊

節目播出後，網民反應極為熱烈，紛紛留言大讚尹景順的表現。「聽唔明歌詞，但完全感受到嗰份愛，跟住一齊喊！」「呢個就係音樂嘅力量，超越語言界限！」「『人喺度對佢好就唔需要遺憾』呢句太深刻！」「93分絕對值得，今晚嘅MVP！」「東方不敗果然名不虛傳，唱功同感情都滿分。」