肥媽見咪連環開火狂鬧李泳漢 李家鼎開工不停追問1問題極心痛 談及李家事件核心根源

肥媽披露鼎爺搏晒命 不斷追問幾時有工開

肥媽先後出席《中年好聲音4》宣傳及母親節盛宴活動時，兩度提及李泳漢均怒氣難消。她透露與好拍檔鼎爺合作期間，親眼目睹對方即使工作到已疲憊不堪仍不斷追問「幾時有工開」，原因竟是要幫兒子養家：

「佢搏晒命，攰到死都問幾時有工開，問有咩做。我問佢『點解咁勞氣，你一個人係咪！』佢就話『有兩個細路哥，個後生搵唔到，要幫！』你諗下，佢一路做，佢咁攰都諗辦法去幫你個衰仔！」

肥媽直言圈中人一直不敢公開指責李泳漢，但她認為「晨早應該要有人鬧佢」，決定不再沉默。

肥媽：佢3個鐘有2個半鐘都講緊施明

肥媽憶述鼎爺工作時經常將施明掛在嘴邊，提到施明愛吃什麼、喜歡什麼，足見對前妻的深厚感情，

「佢一日到黑3個鐘頭有2個半鐘都係講緊施明，施明喺佢心目中係好緊要！」

然而，肥媽指出施明離世後，李泳漢並未第一時間通知鼎爺，令老人家抱憾終生，「最愛嘅人臨行前都唔畀見一面，呢啲真係不孝到不得了！」還激動指鏡頭強調「盲嘅都知邊個唔啱、邊個啱啦！唔使問咁多。」
肥媽更爆料指鼎爺曾因相關家庭糾紛而情緒崩潰致電求助，場面令人心酸。

肥媽見咪連環開火鬧爆李泳漢：香港人邊個唔鬧佢？

最令肥媽憤怒的是，李泳漢在處理施明後事及相關醫療費用問題上的態度。肥媽質問：「你有乜理由咁樣對待家人？」她形容此舉極度黑心，連基本的人倫底線都突破，難怪全港市民都看不過眼，更直言「香港人邊個唔鬧佢？」：

「啲人話我夠膽鬧佢，有咩話唔夠膽？憎你就係憎你！我同佢合作，成日問邊度多嘢做，佢多啲嘢做就係想俾啲細路哥！我成家人都鬧到佢，香港人邊個唔鬧佢？我係親眼睇住鼎爺有幾咁辛苦，手都震埋去切菜，去拍嘢，為咗幫你哋（李泳漢全家）！佢仲要話鼎爺唔啱？」

肥媽談及李家事件核心根源

被問到父子關係有無轉圜餘地，肥媽冷笑回應，直指整件事的根源就是「錢」和物業。她分析鼎爺因太愛施明，對前妻言聽計從，而李泳漢正是利用母親這層關係操控局面，令鼎爺有苦難言。肥媽認為如果不是涉及房產利益，事情根本不會鬧到如此地步。

肥媽勸鼎爺先顧好自己

肥媽最後語重心長寄語老友鼎爺，年紀大了必須先照顧好自己的身體和生活，不應再為不懂感恩的人拼命付出。她表示稍後會再聯絡鼎爺，打算煲靚湯為老友補身，希望他能盡快走出這段家庭風波的陰霾。肥媽亦以自身為例，強調早已立好遺囑、規劃好財產分配，呼籲長輩們要未雨綢繆，避免晚年被至親反噬。