李泳豪喪母後首現身代父傳話 李家鼎求醫暴瘦真正原因揭盅 6字回應會否與哥哥泳漢聯絡
鼎爺從120磅紙板人到重新開口要食鵝髀湯飯
李家鼎早前因貧血入院輸血，加上喪妻之痛令他完全失去食慾，體重急跌至僅得120磅，整個人面頰凹陷、形同紙板人。李泳豪在5月14日的TVB娛樂新聞台訪問中詳細交代父親的康復進度，表示鼎爺經過一段時間調養後，身體逐漸明顯好轉。李泳豪代爸爸李家鼎報平安並交代最新情況：「鼎爺話想同大家講，佢話應承咗，佢而家休養緊。好咗好多啦，但都仲需要時間，畢竟佢都老啦。佢而家呢啲位（面頰）有返肉啦，肥返，嗰時比較成個眼凹晒落嚟，而家眼啲位都無咁凹，佢食返多好多嘢。因為之前佢完全係無胃口，就算我哋帶佢出街食飯，或者我太太煮飯俾佢食呢，佢可能食少少就話飽，其實佢就無乜心情食嘢咁樣，但而家調理緊。」
李家鼎在大仔李泳漢婚禮有骨致辭埋伏筆 母校片開火狂鬧李泳漢翻紅
李家鼎身體檢查結果 暴瘦原因曝光
李泳豪又曾向爸爸李家鼎表示：「唔止TVB啲同事，成個香港人都係好支持你同好擔心你，希望你振作，希望你身體好。我都收到好多 message，有啲人話煮咩俾阿爺食啊，又有好多意見咁樣，都收到嘅。我都cap啲畀返阿爺睇啦。因為大家之前見到鼎爺比較憔悴，瘦咗咁多時候，擔心佢係咪好病呢？係咪唔係純粹係過分操勞？佢做咗 body check 㗎喇，好彩真係無事，只係食得唔夠，營養不良為主。」
他透露鼎爺已完成身體檢查，確認並無嚴重疾病，主要問題在於長期食慾不振導致營養不良。如今鼎爺不但恢復進食，更開始對食物有所要求，面頰亦開始長回肉來。李家鼎從以往「食少少就話飽」，變成「食完一個鐘又話肚餓」，「依家最鍾意食鴨腿湯飯、燒味飯，但就唔肯食菜」， 像極小朋友，此時泳豪臉上即露出久違的笑容。
李泳漢李泳豪學歷背景大揭祕 大孖3間名校出身 曾幫母校籌款 李家鼎曾為孫兒鋪路讀兒子母校
李泳豪代父開腔回應財困及人肉提款機指控
李家鼎早前不惜自揭家庭瘡疤，公開錄音力證自己多年來淪為長子李泳漢夫婦的「人肉提款機」，畢生7位數積蓄被榨乾。為免步上亡妻施明晚年遭孤立的後塵，鼎爺公開確立李泳豪為其財產執行人，正式與大仔劃清財政界線。李泳豪在訪問中感謝父親的信任，表示：
「我多謝我爸爸信任，佢覺得我係可以幫佢處理到所有呢啲問題。」
他坦言鼎爺目前財政狀況確實困難，「我哋曾經食飯或者私底下聚會都話真係要stop（供養李泳漢字一家），真係要睇住，你知道爸爸佢外表就咁，但好心軟㗎嘛。」
李泳豪慶幸自己仍有工作收入，能夠承擔父親的生活開支：「好彩係我仲開緊工仲搵緊錢，暫時仲應付到。」至於具體財務安排，李泳豪表示已委託律師及會計師專業處理。
鄧兆尊罕有向李泳漢放話 吳家樂為李泳豪轉達鼎爺近況 回應「楊思琦獲平反」
李泳豪高調護妻 鼎爺曾籲勿錯失好女仔Agnes
事件另一爭議焦點，在於李泳漢曾公開一段經過刪剪的錄音，指摘弟婦林妤謙Agnes與鼎爺之間涉及金錢話題，暗示Agnes行為不當。一向低調、平日甚少說話的李泳豪為此罕有高調反擊，他在訪問中表示：
「最重要就係我唔想我太太蒙受呢個冤枉。」
李泳豪強調，Agnes的出發點完全是為老爺的健康著想，「如果你聽晒錄音，佢就係為佢好，就係咁簡單。」
他更引述鼎爺對Agnes首次見面的評價：「鼎爺喺呢行咁耐，做人咁多年，佢睇嘢好清晰，佢好相信我太太，佢第一次見我太太，同佢傾完偈之後，我老竇都已經話『呢個女仔好好㗎，你唔好錯失咗。』」李泳豪直言對妻子被抹黑感到憤怒，亦心痛80歲父親在晚年仍要面對這種家庭撕裂。
李泳豪仍在尋找亡母施明安葬地點
在家庭風波逐漸平息、鼎爺健康出現轉機之際，李泳豪透露心中仍有一個未解的遺憾——至今仍不知道亡母施明的具體安葬地點。他在訪問中表示：
「係想知道嘅，都好多謝有心人，都有send message畀我，話我哋可以透過咩途徑去邊度問。」
李泳豪坦言目前仍在多方查詢，若現有途徑未能成功，就要靠觀眾提供的資料繼續尋找。一邊是父親的健康與財困需要處理，一邊是母親的身後事仍懸而未決，這名細仔肩上的擔子，遠比外界想像中沉重。問到會否跟孖生哥哥李泳漢聯絡，他無奈表示︰「我仲諗緊方法。」
李泳豪爆屋企錄音流出及刪改內幕 揭鼎爺大新抱嚴佩鈺「肚裏三把刀」真面目
網民心痛鼎爺晚年遭遇紛紛留言打氣
事件曝光後引起大量網民關注，不少觀眾在社交平台表達對鼎爺的支持與心痛。有網民留言「睇到鼎爺瘦成咁真係好心酸，希望佢食多啲養好身體」，亦有人表示「鼎爺教咗我哋咁多年煮嘢食，而家輪到大家關心佢」。
期間有心水清的網民感嘆「正義，真相始終出現的。點解一家人可以養出不同性格細路？」不少網民亦對李泳漢的做法表示不滿，認為不應在父親年邁體弱時仍製造家庭紛爭。
李家鼎大細新抱背景曝光 李泳漢老婆被目擊施明離世前10天開心買名牌
