《愛回家》停播｜蘇韻姿驚爆當年辛酸事 差點因1個死穴被換走？ 曾傳因遲到被TVB雪藏

蘇韻姿自爆錄對白逐字糾正口音問題

蘇韻姿透露「熊心如」這個角色設定為讀書成績優異的補習老師，講中文絕對不能有口音，對於廣東話並非母語的她而言是一大挑戰。她分享自己的練習方法：「我會錄低自己講嘅對白，圈出讀唔正嘅地方，睇下點樣可以讀得正確啲。」正是這份對專業的堅持，令她在劇中的表現愈來愈自然流暢，觀眾幾乎忘記她本身並非以廣東話為母語。

感激「熊心如」助她學好中文磨練演技

談到即將告別這個陪伴多年的角色，蘇韻姿難掩感觸：「我都好感激『熊心如』呢個角色，一來可以學到中文，二來又磨練到演技，又識到一班好好的屋企人，又畀家庭觀眾認識到，真係超級感恩。」她於2016年參選港姐後翌年加入《愛·回家之開心速遞》，由最初連廣東話都講不太流利，到後來能夠字正腔圓地完成每場戲，這段成長歷程見證了她在演藝路上的蛻變。

蘇韻姿反擊離巢各大指控

蘇韻姿離巢前更曾經多次傳出因遲到、冇禮貌等等罪行而被TVB雪藏。她接受網台節目《潮流King》訪問時終於打破沉默，開腔回應過去各大指控，堅決否認自己有紀律問題，並透露了一些不為人知的幕後情況：「緊係有唔開心，自己一直好努力做好呢份工，合作過嘅人都知我唔會擺阿姐款、唔會搞是非，所以都好無奈，最離譜傳到話我用粗口鬧珍姐。」蘇韻姿表示，雖然她在六年的拍攝期間偶爾遲到，但這並不影響她的專業表現：「咁我拍咗6年，遲1、2次點都會有，但如果真係遲得咁緊要，就一早冇得拍咁耐啦。我覺得有啲無辜，自己講嘢唔叻唔識澄清，驚答完會畀人扭曲，同埋公司教落我哋唔答，所以就一直冇回應，點知就變咗默認。」

揭遲到真兇另有其人

蘇韻姿進一步透露，曾有其他演員遲到的情況，但她卻不幸成為替罪羊：「試過有第二個演員遲到，咁我係坐公司車去現場，但要等埋佢化妝先出車，結果有同事現場見唔到我，就話我遲到，可能大家又錫嗰位同事多啲，就入晒我數。自己又唔想篤人出嚟，慢慢就可能有咗個壞印象。」她表示，由於自己的中文表達不佳，有時也會不小心造成誤會，被誤解為態度問題，令她感到非常委屈。目前，蘇韻姿已經離開無綫，並考慮未來可能與網台合作，參與更多節目的製作。

網民唔收貨一面倒喪插

雖然蘇韻姿終於開口為自己澄清，但係就似乎未獲網民同情，更被再度喪鬧：「自己遲到，但不是最遲那個就當食左死猫？」、「本身你都冇乜觀眾緣，做戲又唔係好」、「無可能只係遲到就會比人炒？應該唔止！又唔講佢post劇本上網？」、「搞咁多嘢想洗白不如努力做好現時的自己好過。」更有網民將遲到的矛頭直指同劇的古佩玲：「遲到嘅係膠面租客熊瑞素吧， 配合珍姐劇本洩漏，遲到，但最終都係冇得續約，因為要捧膠面租客。」

《愛·回家之開心速遞》陪伴觀眾多年即將落幕

《愛·回家之開心速遞》作為TVB長壽處境劇，多年來一直是不少家庭的「飯枱節目」，劇中各個角色早已成為觀眾生活的一部分。蘇韻姿飾演的「熊心如」外號「紅衫魚」，憑着鬼馬性格和與其他角色的化學反應深受歡迎。如今劇集步入尾聲，蘇韻姿表示會跟大家正式開完工後約同事聚會，希望觀眾在最後這段日子都能享受當中的開心時光。