尖沙咀無人機求婚主角曝光 高學歷準新娘背景公開 全港恭喜：勁有夫妻相
尖沙咀無人機夜空現巨型玫瑰花及求婚字句極震撼
5月30日（星期六）晚上，尖沙咀海濱上空上演了一場前所未見的無人機求婚現場。大量無人機在夜空中組成不同圖案，包括巨型玫瑰花、單膝跪地求婚的人像動作，以及寫上「I love you」、「Marry Me」、「Tonight love writes itself across the sky and into eternity（今夜，愛在天空書寫，直至永恆）」等浪漫字句。
由於表演規模極為巨大，光影效果璀璨奪目，全港多區市民都能清楚看見，不少人直呼震撼，紛紛拿出手機拍攝並上傳至社交平台，短時間內成為全城熱話。
網民估算求婚費用：勁過鍾培生！
事件迅速在Threads及Instagram瘋傳後，網民對這場求婚的規模議論紛紛。有網民留言「冇得輸！師兄型爆」、「童話成真，係咪霸總？」、「咁浪漫，好sweet」；亦有網民估算這場求婚表演的費用，「估計呢隊團隊大約15至30萬，仲要有間啱view嘅靚酒店，不過最後效果絕對超值」，更有人笑言「貧窮限制想像」、「有錢人嘅愛」、「先唔講錢，好sweet」，直指男方「做壞規矩」，令其他人日後求婚壓力大增。此外，也有網民與2026年3月鍾培生求婚莊雅婷比較，認為「勁過鍾培生」、「比鍾培生果場浪漫好多」。
鍾培生首回應雙喜臨門傳聞 莊雅婷新婚3星期亮相腹部搶鏡 腸胃炎被老公激嬲
鍾培生求婚後首攜未婚妻現身 4字回應娶莊雅婷原因 巨型求婚鑽戒來歷成焦點
鍾培生莊雅婷被踢爆早有淵源 男方14字答「女仔冇講Yes」
網民熱烈討論關注求婚結局紛紛留言
除了討論花費，大批網民更關心這場全城見證的求婚最終結局如何。有人留言「勁驚喜，唔知有無答應呢」、「以為係幻彩詠香江，點知係求婚現場，餐廳秒變大型八卦現場，恭喜晒」。整個社交平台充斥著對男女主角身份的好奇與猜測，事件熱度持續攀升，成為當晚最多人討論的話題。
女主角深夜發文 大批網民送祝福：勁有夫妻相
同晚，被求婚女主角、準新娘Amy在其個人社交平台發佈多張與男主角擁抱、熱吻的合照，並以一句興奮的「YESSSSSSSSS」，並加上一個戒指的表情符號，正式宣布接受求婚，幸福滿瀉。網民隨即湧入留言恭賀，「全港人都知無人機求婚，恭喜晒」、「頭先睇到你個Threads，發現你哋兩個平時都咁sweet，幸福」、「勁有夫妻相」、「好襯呀，恭喜晒」、「恭喜你！無人機求婚好有心思，祝你哋白頭到老！」。這場耗資6位數、全港見證的浪漫求婚，最終以最完美的結局收場。
準新娘Amy意想不到：多謝你地成為左我地故事嘅一部分
5月31日晚上， 準新娘Amy再度發文表示意想不到有多位市民同步見證感人一刻，也透露收到來自各大市民送給他們二人的靚相及祝福，她發文感激大家「多謝你地（哋）成為左（咗）我地（哋）故事嘅一部分」，全文如下：
「我其實大概估到會被求婚，但我冇諗過最後個 surprise 會大成咁… 😳
事後聽返fiancé (omg this term!)講，成個構思來自於《分分鐘需要你》：由兩個人一齊搭住火箭出發，到太空睇流星，再係天空寫下 “Love writes itself across the sky and into eternity.”
聽到呢度，我先發現最感動嘅其實唔係無人機有幾多架、場面有幾震撼。而係有人願意花咁多心思，將一首上世紀嘅情歌、一個故事、一份感情，變成一個屬於我哋嘅宇宙。
而最意想不到嘅係原來有咁多人同我哋一齊經歷咗呢一晚：有人喺行行吓海旁見到、有人食食吓飯邂逅到，有人喺 Threads 留言祝福… 多謝你地成為左我地故事嘅一部分，多謝你地嘅靚相❤️
希望有生之年，真係可以一齊去太空睇星星💫而喺去到嗰日之前，希望我哋都繼續好好去愛、好好被愛。亦願呢份愛可以送俾每一個願意相信美好嘅人」
準新娘Amy在其社交平台自我介紹是「Traveler & Explorer」（旅行者與探險家），指自己喜歡周遊列國及探險。她正就在英國劍橋大學賈吉商學院JBS（Cambridge Judge Business School）就讀兼職碩士，Amy透露從來沒有想過到這間名校讀書，也謙虛表示自己從來並非學霸型、成績奪高分數的學生。不少網民大讚她既有美貌，也有內涵及上進心，為香港女生的典範，紛紛留言「加油Amy」。
