Save Lily｜領綜援70歲外婆爆孫女患1病 月花千元寄藥 附女兒關小姐家中分娩詳情
Save Lily父母相識10年不婚原因 曾先生以4字稱呼關小姐惹關注 餅印外貌被質疑真實關係
70歲外婆談女兒童年往事
年約70歲的外婆何女士目前獨居於長沙灣公屋單位，依靠綜援維生。她在訪問中多次強調自己「無文又無化」，也從不干涉女兒的感情和婚姻。
期間何女士透露女兒的童年往事，指女兒自小很獨立，自中學起便入讀寄宿學校，大學畢業後前往瑞典生活。她透露女兒喜歡寄宿學校：「佢鍾意寄宿，咪由佢寄宿囉，慳啲錢都畀佢寄宿啦」，外婆表示自己毫無見識，「如果跟住我就死梗㗎啦，我有咩見識呀，成日喺農村耕田。」
談到女兒讀書是否成績出眾，何女士表示不太清楚，但知道女兒曾獲獎學金：「獎學金係佢自己揸住，佢自己用囉。」
Save Lily港爸家庭學歷背景曝光 披露與外貌相似關小姐真實關係 曾與弟因1事互毆
起初不知道女兒懷孕 家中分娩後自行調理坐月
關小姐自從英國返港後，一直居住在曾先生位於秀茂坪的單位。關小姐其後在住所內自行分娩誕下男嬰Danny，並無到醫院生產。6月2日，警方將二人拘捕，至6月4日凌晨獲准保釋。
Danny的外婆何女士透露她也曾前往探望，坦言起初不知女兒懷孕：「佢大肚好大我就知囉」，又指她在英國已懷有身孕，「佢唔係喺呢度（香港）大肚，係喺英國嗰度帶返嚟㗎個肚。」
對於女兒決定在家中分娩，身為媽媽表示並無太多可擔心，並透露她年輕時亦曾修讀護理相關知識。她又指出，女兒分娩後曾自行買中藥材調理身體並坐月，但做法並非沿用傳統以食薑的方式。
Save Lily三孩港媽背景學歷 曾獲獎學金 學生爆曾被教特別內容：幾震驚
何女士更大爆早幾個月曾先生與其弟弟曾發生激烈衝突，「兩兄弟打到七彩啦，嗌我唔好去呀。唉，打到去派出所（警署）。」事件令外界對這個家庭的狀況更加關注。
外婆為患病孫女Lily月花千元寄藥至瑞典
她曾應女兒要求，每月花費逾千元寄中藥材到瑞典，為孫女Lily醫治牛皮癬，「佢（女兒）邊有錢，一箱藥都要千幾銀，個個月都差唔多寄過去，細路仔有病無理由唔睇，大人病就可以唔理。」
何女士坦言，女兒曾簡單交代過Lily「喺瑞典畀人拐走咗」，亦輕輕提過在外國被捕，但具體情況她也不太清楚。對於女兒與曾先生的工作狀況，何女士直言：「去咗英國咁多年，我都未見過佢做過嘢，佢自己搞掂，我有錢咪畀啲佢。」
Save Lily父母獲准保釋候查 DNA測試結果出爐 被多國官司纏身「整件事好突然」
外婆表態願親力親為照顧 憂Danny被送保良局
對於女兒及曾先生涉及疏忽照顧兒童被捕，何女士強調「唔到我擔心」：「擔心又係咁，既來之則安之，我都慣咗㗎啦呢啲嘢……我又唔知佢犯咗天條大罪，還是小意思，唔到我擔心㗎。」
然而當提到孫仔Danny的未來去向時，何女士明顯變得著緊，直言「拎咗去保良局仲慘」。她表示不知道該如何尋找合適的監護人，但強調：「除咗我自己，我自己親力親為，你有錢冇錢，有飯食就得，我唔計呢啲，因為佢係我自己人。」
記者問她是否想見孫仔Danny一面，何女士毫不猶豫地說：「唔使問我都要見㗎啦，有得見就見，係咪呀？」
Save Lily父母終肯驗DNA原因 鄰居5字形容關女懷孕狀態 曾先生宗教極為神秘？
網民對事件反應兩極有人心痛外婆處境
事件曝光後在網上引發廣泛討論，不少網民對何女士的處境表示同情，有留言指「阿婆靠綜援都肯每個月寄千幾蚊中藥畀孫女，呢個先係真正嘅愛」、「70歲人仲要擔心孫仔去向，做外婆做到咁心酸」；亦有網民質疑涉事父母的行為，「有能力去外國生活，返嚟香港就喺屋企生仔唔去醫院，到底諗緊咩？」、「Lily嘅事未解決又多個Danny，啲細路好慘」。部分網民則關注兒童福利問題，認為「如果父母真係照顧唔到，畀外婆湊都好過去保良局」、「最無辜就係啲細路，大人搞成咁」。
Save Lily男女落網前最後身影被鬧爆 港府救B行動苦心鋪排獲讚
涉事父母獲保釋男嬰安置問題仍懸而未決
關小姐與曾先生於7月4日凌晨獲准保釋，但男嬰Danny目前的安置動向仍然不明朗。何女士雖然年屆70且依靠綜援生活，卻是目前唯一主動表態願意照顧Danny的家庭成員。案件仍在調查階段，涉事父母需按時向警方報到，而Danny的撫養權及監護安排將成為事件下一步的關鍵焦點。從Lily在瑞典的遭遇，到Danny在香港出生後的風波，這個家庭的故事遠未結束。
