夫妻肺片｜雨僑激讚羅力威100分！自爆老公講故仔兼唱埋間場音樂
廣告
羅力威的寵妻事蹟再添一樁！在昨晚（5日）播出的《夫妻肺片》中，雨僑大爆老公羅力威在她懷孕及產後的各種暖男行為，更忍唔住激讚：「我陀住時我老公真係100分。」除了親手洗BB衫，羅力威竟然還會每晚講故事兼自唱「間場音樂」氹老婆瞓覺，究竟這位「100分老公」還有什麼浪漫舉動？
雨僑懷孕期情緒波動 對住碗米線爆喊
雨僑在節目中透露，自己陀B後變得易喊又脆弱，更分享一件趣事。她指自己懷孕初期胃口大變，以前最愛的辣米線都變得難以下嚥：「有日佢好驚喜咁帶我去食，首先沿途我已經好想嘔，見到碗米線我突然所有嘢都唔想食，跟住我對住個米線喊。」她尷尬地表示，當時引來全場食客的目光，場面搞笑又心酸，盡顯孕婦情緒的無常。
羅力威暖男行為曝光 晚晚作故仔氹老婆瞓覺
談到羅力威的暖男行為，雨僑即時甜笑，並大爆老公不為人知的浪漫一面。她透露羅力威為了氹她睡覺，竟然每晚都會講故事給她聽，而且故事更是由他自己創作。最誇張的是，羅力威還會一人分飾多角，連故事的「間場音樂」都會親口唱出來：「佢夜晚會講故事氹我瞓，多數佢自己作嘅，同埋間場嘅配樂會唱埋出嚟。」浪漫程度令全場嘉賓嘩然。
羅力威親手洗晒BB衫 雨僑甜認：佢用好多行動證明愛
除了言語和心思上的浪漫，羅力威亦以實際行動支持太太。雨僑續指，羅力威在BB出世後，默默承擔起照顧家庭的責任，更一手包辦清洗所有BB衫。對於老公的付出，雨僑甜絲絲地表示：「全部BB衫都係佢親自洗，佢用好多行動證明（佢嘅愛）。」她亦坦言有時覺得自己鬧老公鬧多了，字裡行間流露出對老公的愛和感激。
網民羨慕：呢啲老公邊度搵？
節目播出後，網民紛紛表示極度羨慕雨僑，並大讚羅力威是「絕世好老公」。留言區被一片羨慕的聲音洗版：「羅力威真係絕世好老公！嫁到佢執到寶！」、「聽到唱埋間場音樂笑咗，好sweet呀！」、「男人嘅體貼唔係用錢買禮物，而係呢啲小細節，羅力威做到足！」、「雨僑嫁得好好，好幸福」、「呢啲老公究竟邊度搵？」
圖片來源：TVB資料或影片來源：原文刊於新假期
