李元元Lucy小二考獲全班第一獲頒獎狀 媽媽爆成績飆升原因 讀熱門小學每年考4次試
李元元小二成績飆升至全班第一名獲發獎狀
暑假前夕正值派成績表的日子，Lucy媽梁志瑩在社交平台貼出大女Lucy手持獎狀的照片，獎狀上清晰寫著「2B班學生李元元，於本學期榮獲學業成績獎全班第一名」。回想Lucy去年小學一年級時已考獲全班第二、全級第十的亮眼成績，今年更進一步考獲第一名，非常叻女。
8歲李元元Lucy首回應網民批評 李璨琛太太長文反擊「帶頭霸凌 不配做媽媽」
Lucy媽不介意女兒讀書唔叻：唔係個個天生係讀書料子
向來幽默的Lucy媽在配文中先大讚女兒：「無論你讀書叻定唔叻，媽媽都覺得你一樣咁可愛。因為媽媽明白，係呢個世界上，真係唔係個個天生都係讀書嘅料子……」她更爆料指Lucy竟然「臨瞓前先醒起同我講派咗成績表」，相當大頭蝦。而Lucy得知自己考第一後，第一時間開出的條件是：「可摸耳獎佢食自助餐？」Lucy媽更開玩笑指「頭大應該真係可以記多啲嘢」。
李元元2歲半妹李斐斐開學入讀名幼N班 媽媽梁志瑩親解兩女升學路大不同原因
另外，2歲多的細女Sucy則整個人攤在地上，被媽媽搞笑配上心聲：「讀書？咩嚟架？我都係瞓陣先啦。」姊妹倆一動一靜的畫面形成超大對比。
有網民問為何Lucy咁叻女，「點解咁叻囡架，之前考常識都無乜點溫書」，李太Sophia回答表示：
「佢有溫書㗎！考試週每一日都有溫書，係專心溫書嗰隻。不過我唔會要求佢溫到天昏地暗，最多都係一個至個半鐘，跟住就可以收工。到考試嘅時候，最緊要就係盡力而為！大人都要work life balance 啦！小朋友更加需要足夠嘅play time !」
李璨琛太太梁志瑩三度回應女兒李元元外貌被批 家長獲啟發：試下咁樣教仔女
從幼稚園文盲到全班第一 媽媽爆成績飆升原因
事實上李元元Lucy的學業之路並非一帆風順，Lucy媽曾坦言女兒「係幼稚園係一個文盲」，升小一時成績並不突出。後來經網民介紹了一位補習老師，每日放學後花一個鐘教Lucy讀書做功課溫習，老師更會教她無聊IQ題，令學習變得有趣。
Lucy媽曾透露經過房間時「成日聽到佢哋笑到格格聲」，師生關係融洽。李太Sophia去年亦不忘感謝Lucy的補習老師，早前她曾形容這位老師「簡直係我嘅救世主」，直言「我冇咗你真係唔得」。
李元元就讀14校網熱門津貼小學 每年4次考試
Lucy目前就讀港島東區14校網的熱門津貼學校滬江小學（Shanghai Alumni Primary School），該校二年級至六年級每年設有4次全科考試，換言之8歲的Lucy一年要應付4次大考，壓力絕對不輕，能夠突圍而出實屬厲害。
李元元媽媽賀中秋1舉動遭網民轟唔識保護7歲Lucy 怒斥：個女長大後情何以堪？
網民留言恭喜Lucy 大讚品學兼優叻女
消息一出，大批網民紛紛留言恭喜，「Lulu好叻呀」、「恭喜Lulu有咁好成績」、「品學兼優的好學生」、「真係老懷安慰」、「文武雙全」等讚美之詞湧現。亦有網民大讚補習老師功不可沒，留言指「補習老師係母女關係和諧恩物」，認為找到合適的伴讀書童對小朋友學業幫助極大。不少家長更在留言區互相交流心得，羨慕Lucy媽找到如此出色的補習老師。
