女神配對「冷氣工」Oscar被揭曾ViuTV出道！惹做媒疑雲 主持Bob發長文爆內幕
人氣急升被起底！Oscar被揭曾組男團出道「我好鍾意做戲」
方智弘（Oscar）在節目播出後人氣直線飆升，TVB官方社交網有關他的面試片段，不足半日已吸獲超過500,000觀看次數、逾15,000個讚好及21,000次轉發，Facebook的觀看數亦直逼200,000，成績驚人。不過，有眼利的網民很快就「起底」發現，Oscar原來並非純素人，他之前曾參加ViuTV《全民造星5》 是音樂組合「OneUp」的成員並已出道，消息一出，立即引發網民熱議，不少人質疑節目組是「做媒」，質疑Oscar的參賽是預先安排好的劇本。
被質疑欠缺誠意做戲扮素人
翻查資料，Oscar 在2023年參加《全民造星5》時編號37， 報稱職業「模特兒」，自稱擅長「傻笑 /做運動」，在自我介紹片中自稱「好鍾意做戲」由細到大都想做演員，未有提過冷氣技工的職業。因此被觀眾批評發明星夢偽素人造身份，欠缺誠意！
主持Bob深夜發文護航：「佢真係自己上網報名」
面對愈演愈烈的「做媒」疑雲，節目主持林盛斌（Bob）火速在社交平台發長文為Oscar護航，強調絕非造馬。Bob首先澄清Oscar的身份：「係，原則上佢嘅正職係整冷氣，兼職先係做歌手。」他接著感慨表示：「其實而家呢個娛樂圈，無論係做演員定歌手，好多都有做幾份工作，努力去維持生計，先可以繼續去追夢，因為唔係個個都係最紅嗰啲，所以我真係完全唔覺得有啲咩問題。」Bob斬釘截鐵地表示Oscar並非內定：「亦都唔係乜嘢做媒，佢真係自己上網報名參加。」最後他亦感謝所有勇敢參賽的求愛勇者。
網民反應兩極！有人撐追夢有人質疑
林盛斌的長文一出，網民反應呈現兩極。不少人表示理解和支持，認為Bob道出了圈中實況：「Bob講得啱，而家香港地做藝人好難，有份正職傍身好正常。」、「欣賞佢為追夢嘅努力，整冷氣賺錢有咩問題？」、「自己報名就唔算做媒啦，節目組揀佢都係因為佢條件好啫。」然而，亦有部分網民繼續抱持懷疑態度：「雖然係自己報名，但本身有幕前經驗，對其他素人唔公平。」、「咁啱又係歌手又靚仔，好難唔令人懷疑係劇本。」、「都係想借個節目紅啫，目的性太強。」
