璀璨之城｜高海寧遭出賣爆喊！神級忍淚功力大爆發 全靠一招感受母愛？

昨晚爆喊戲碼 高海寧眼淚填滿眼眶

在昨晚劇情中，Alice在官家感覺「無處容身」，最終只能返回十月初五街找母親芬姨（王綺琴飾）尋求慰藉。面對女兒的突然到訪，深知她受了委屈的芬姨沒有追問，反而溫柔地展示無限信任與支持：「你平時好少呢個時間返嚟架喎，做咩呀？唔係有咩事呀嘛」、「阿媽冇懷疑過你架，我好有信心」。隨著母親邊說邊輕拍她的頭，高Ling的眼淚在眼眶中越積越多，幾乎填滿整個眼眶，但為配合角色倔強及不想母親擔心的孝順人設，眼淚一直未有落下，直到母親最後一句：「你有咩問題，一定會自己諗辦法解決到架，係咪？」她的眼淚才終於缺堤式落下，場面極具感染力。

高海寧親解入戲原因 大半年冇見媽咪

高海寧接受訪問時透露，由於劇中王綺琴的打扮與性格，都與自己真實的媽媽十分相似，令她拍攝時更容易代入。她更親自揭露，為了拍攝《璀璨之城》，曾有長達大半年的時間未能與母親見面，只能靠視像通話和訊息聯絡。因此，在拍攝這場戲時，她完全投入了真感情：「所以當我攬住綺琴姐，佢又摸吓我個頭，真係感受到阿媽嘅溫暖，令我更投入」、「每次拍同綺琴姐嘅戲份，都會有種被愛嘅感覺，佢一個擁抱已經好溫暖。」這個擁抱，成為了她情感爆發的關鍵。

網民洗版激讚：「睇到心都痛埋！」

該幕播出後，網民反應極為熱烈，紛紛湧入討論區留言大讚高Ling的精湛演技。「高Ling喊功真係冇得彈，啲眼淚喺眼眶打轉，睇到我勁肉緊！」「呢場母女戲太感人，王綺琴啲對白好溫柔，完全係慈母！」「為咗頭家受咁大委屈，返到屋企先敢喊，角色好真實！」「佢忍住唔喊，但個樣勁委屈，睇到心都痛埋！」「高海寧演技進步好多，呢幕絕對係代表作！」