週末放電好去處!海洋公園親子慈善跑 闖關挑戰學保育 跑完暢玩樂園+嘉年華
每逢週末假日,各位爸媽係咪又開始頭痛,諗緊帶小朋友去邊度放電好?去商場嘅playhouse又玩到悶。想搵個有新意、好玩又有意義嘅活動?機會嚟喇!而家有個滿足晒全家人願望嘅親子活動,可以俾小朋友跑跑跳跳盡情放電之餘,仲可以一家人邊玩邊學保育知識,完成活動後更可以留喺樂園玩足全日,絕對係CP值爆燈嘅家庭日首選!講緊嘅就係海洋公園將於2026年12月13日(星期日)舉行嘅「生態保衛賽 2026」年度慈善跑,當中特別為家庭而設嘅「香港忠意保險呈獻:1公里小英雄跑」現已接受報名喇!
化身保育小英雄 1公里賽道挑戰5大關卡
今次活動嘅焦點「香港忠意保險呈獻:1公里小英雄跑」,係專為有11歲或以下小朋友嘅家庭而設嘅組別。全長1公里嘅賽道唔係鬥快,而係鼓勵一家大細齊齊參與,享受親子時光。賽道沿途設有5個以保育為主題嘅互動關卡,爸爸媽媽需要同小朋友合力完成各種有趣嘅挑戰同活動,從中學習生物多樣性同動物保育嘅知識,齊齊化身守護動物嘅「保育小英雄」!
整個跑步路線設計充滿驚喜,由「海濱禮品廊」出發,途經充滿懷舊氣氛嘅「香港老大街」、可以認識珍貴動物嘅「大熊貓之旅」,以及小朋友最愛嘅「威威天地」,最後喺「水都餅店」外衝線,完成創舉!順帶一提,喺活動進行期間,護理員正於後勤位置為動物大使進行日常護理,所以牠們在活動後先可以同大家見面。
一張飛玩足全日!暢玩樂園設施+保育嘉年華
參加活動最大嘅賣點之一,就係一張活動門票已經包含海洋公園當日嘅全日入場門票!換言之,當你同小朋友跑完步、完成保育任務之後,就可以成家人一齊喺樂園盡情玩樂,由朝玩到晚,體驗園內各種刺激嘅機動遊戲同探訪唔同嘅動物大使,絕對值回票價!
除咗跑步同暢玩樂園,場內仲設有「保育嘉年華」,提供各式各樣嘅互動遊戲、教育活動同埋靚靚打卡位,俾你同小朋友影相留念,記錄低開心嘅時刻。一個活動,集運動、學習、玩樂於一身,為你同小朋友帶嚟一個充實又有意義嘅家庭日,創造珍貴嘅親子回憶。
想同小朋友過返個好玩又有意義嘅週末,就快啲把握機會報名參加啦!提提你,早鳥優惠期去到2026年11月22日咋,想用優惠價報名就要快手喇!
立即報名:https://hkoceanpark.com/4yM1phG
(Presented by Ocean Park)
圖片來源:Ocean Park



