李亞男 王祖藍

【隨時生得】搞Baby Shower好姊妹齊到場 李亞男:「迫不及待同佢見面」

育兒

廣告

現年34歲藝人李亞男,現時陀B九個月,12月就是預產期。昨日,李亞男生日除了獲得老公首度晒出B女超聲波照做「禮物」,今日兩夫妻仲為愛女大搞生日兼Baby shower派對,圈中好友均到場祝賀。

撰文:Chloe | 圖片:李亞男IG

李亞男搞Baby Shower迎接愛女

今日,李亞男和老公王祖藍大搞Baby shower派對,興奮迎接愛女。李亞男喺社交網晒出好友合照,更用英文留言,多謝大家:「Thank you all for your love and welcoming our baby girl into this world !! can’t wait to meet her !」

唔少圈中好友都有出席,包括苟芸慧、李璧琦、陳明恩、陳美詩、孫耀威及陳爽等。

最近升呢做媽媽嘅宋熙年都有出席。

鄺文珣仲帶埋囡囡捧場,出席嘅賓客都紛紛喺社交網大晒聚會合照。

王祖藍首發BB超聲波照 網民:個鼻超似爸爸!

雖然B女尚有兩個星期才會正式跟大家見面,不過爸爸王祖藍已經急不及待在Instagram上分享BB的4D超聲波照,不少網民還留言指B女的鼻子很像爸爸王祖藍,令人更期待BB的來臨!

View this post on Instagram

老婆辛苦了 生日快樂

A post shared by 王祖藍 (@wong_cho_lam) on

李亞男陀B音樂胎教

李亞男上星期貼出自己的孕照,表示同肚中的小baby girl去聽音樂會,實行音樂胎教,仲話囡囡好鐘意聽音樂(Bringing baby girl to a concert.she really loves music)。網民都大讚,媽媽陀得好靚,好期待「小祖藍」出世。唔洗急,大家好快就知道BB,似李亞男定王祖藍喇!

李亞男經常笑言丈夫基因太強,如果生女似爸爸就大獲,但真係係囡囡呀!李亞男在個人Instagram上載了一張孕照,肚上就用粉紅色寫了「Baby Girl」,留言指:「今日小公主陪我開工,佢好乖!」

網民得知李亞男陀B女後,紛紛留言指希望不要像爸爸王祖藍,更有粉絲指會天天替李亞男祈禱:「拜託要像媽媽!」