古天樂拒評同場《聲夢傳奇》學員 「霸氣回應」原來唔係針對TVB記者
文:東方新地|圖:3HK官方圖片
古天樂昨日現身尖少咀出席電訊公司宣傳活動,同場還有蘇皓兒、倪晨曦及《聲夢傳奇》十五位學員等。訪問時古天樂興奮與大家分享最近追看奧運賽事,指睇到好激動又緊張,愈講愈興奮。但在場有記者突然問及古天樂對《聲夢傳奇》學員睇法,話題一轉立時令在場氣氛降溫,睇睇古天樂點樣霸氣回應:
![古天樂 張家朗 古天樂出席電訊公司活動,同場還有倪晨曦、蘇皓兒及《聲夢》冠軍炎明熹﹗](https://imgs.orientalsunday.hk/wp-content/uploads/2021/07/bd9c55ef-3744-4014-bc48-e5f7daabc4cc_11006846146104b7b29a2f9.jpeg)
古天樂興奮講張家朗:睇到個心跳咗出嚟﹗
古天樂接受各大電視台訪問時,興奮講起自己剛從內地拍電影《掃毒》返港,有日日追看奧運賽事,有看「劍神」張家朗為港奪金的賽事,古仔話:「真係睇到好緊張,個心跳咗出嚟﹗心情真係好難形容﹗」古天樂又指愛看排球、羽毛球等,對於中國女排今屆表現未如理想,古天樂就話:「體育精神不在乎輸贏,而是參與﹗」又指自己都有留意香港隊所有賽事﹗古天樂講到奧運就講唔完﹗
![古天樂 張家朗 古天樂大讚張家朗拒談同場《聲夢傳奇》學員 TVB主持勁無癮](https://imgs.orientalsunday.hk/wp-content/uploads/2021/07/35c6c1fc-c3b2-4f61-97f4-e6e1de9a8b8b_8800801446104c85e19fe1.jpeg)
訪問期間,TVB主播身後突然閃出一位記者,問古天樂:「今日《聲夢傳奇》學員十五個喺齊度﹗你對佢哋有乜評價?」
古天樂見話題忽然由奧運轉向聲夢,就答:「《聲夢》就唔答啦﹗」TVB主持身後的記者重覆古天樂的說話:「哦﹗《聲夢》就唔答…」然後就閃走,本來拎住一堆咪牌的古天樂,更九秒九放下所有咪牌並話:「完﹗」同時移動身體離開,由於事出突然,搞到TVB男主播郭浩皇呆立當場。
![古天樂 張家朗 古天樂彈開話:「《聲夢》就唔講啦﹗」原本提問的記者快速閃走,而站在前方的無綫男主播就表現得不知所措,頓時變成焦點。](https://imgs.orientalsunday.hk/wp-content/uploads/2021/07/b81e0bf0-9be6-4b4a-8f74-5d9ce706399d_19414679856104b92118f51.jpeg)
同一場合 兩度避談《聲夢》
其實古天樂同一場合,亦有接受紙媒記者訪問,當時被問到有關《聲夢》問題,記者亦有主動查詢古天樂有冇睇《聲夢傳奇》?古仔話:「睇吓唔睇吓咁啦﹗」記者再追問,古仔才答:「唔講呢啲啦﹗(咁會唔會搵佢哋拍戲?)再講啦﹗」跟之前大談張家朗為港爭光,態度截然不同﹗
![古天樂 張家朗 古天樂與和記電訊香港控股有限公司主席及長江和記集團聯席董事總經理霍建寧Canning同和記電訊CEO古星輝Kenny合照﹗](https://imgs.orientalsunday.hk/wp-content/uploads/2021/07/f6cbcae4-97a8-4276-b9ff-5fd2d20125ac_15108908726104b865a2e72.jpg)
網民對古天樂拒談《聲夢》學員,大讚他夠晒霸氣,紛紛留言「古仔知TVB想抽水梗係唔答啦」、「主持仔撈多幾年都未有古生道行高深」、「想借古生把口讚《聲夢》等佢哋升呢,咪使旨意」、「古天樂醒目呀,唔答唔使被人抽水」。
![古天樂 張家朗 嘉賓之一的倪晨曦同古天樂合照﹗](https://imgs.orientalsunday.hk/wp-content/uploads/2021/07/ddad4fe0-19cb-4758-81e3-a473a78584d3_18201849026104bc4b3786b.jpeg)
古天樂與ERROR合作鏡頭前後一樣搞笑
古天樂之前同ERROR、盧覓雪、Agent L.合作拍攝廣告,期間古天樂學足193大講「知我咩料啦!」與眾人打成一片。193亦不甘示弱,竟膽敢在古天樂面前大跳《今期流行》的「拜神舞」,合作愉快,ERROR四子拍畢廣告齊齊集郵,193對住古天樂更出動「揸波龍爪手」,鏡頭前後都好融洽﹗
古天樂拍住ERROR再爆笑
古天樂早在今年初時就拍住鄭中基,為外賣商拍攝5週年廣告,整個廣告抵死又搞笑。事隔半年,古天樂再接再勵,今次的拍擋是近期人氣急升的ERROR四子、盧覓雪(雪雪)及《ERROR自肥企画》導演「Agent L.」(曹梓冲)。廣告一開始先見肥仔(梁業)瞓在地上大叫「好熱好熱」,後來再見到保錡在一旁敷冰降溫,阿DEE(何啟華)就來個「鳳凰不死鳥」姿勢來講「心靜自然涼」,然後一身全黑裝束的Agent L.,當193出場時就表示:「冇錯!佢就係我『實Q』,feel到啦!知我咩料啦!」
眾人叫古天樂除衫
鏡頭一轉,古天樂就坐在雪櫃、風扇前反問193:「咁你又知唔知我咩料呀?」再叫肥仔去開冷氣,突然盧覓雪(雪雪)出場並問眾人:「係咪熱呀?邊個要雪雪?」全場指住古天樂,令古天樂既無奈又搞笑地講出:「真係正到不得了!」就連在旁的Agent L.也忍不住偷笑,而眾人亦拍手叫古天樂除衫。
![古天樂 張家朗 古天樂就坐在雪櫃、風扇前反問193:「咁你又知唔知我咩料呀?」](https://imgs.nmplus.hk/wp-content/uploads/2021/06/3-0-25-screenshot_188519324860c747160c44c-1024x768.png)
ERROR爭住向古天樂集郵
廣告出街後,ERROR四子才post出當日拍攝的照片,三人表示能與古天樂拍廣告是成就解鎖,193、Dee哥、肥仔同保錡都爭住同古天樂集郵,放在ERROR身上,當然唔會正正經經影張相啦﹗
![古天樂 張家朗 呢個陣容好勁﹗](https://imgs.orientalsunday.hk/wp-content/uploads/2021/06/deegor_hkwa_200841548_795190308025509_6073118016789009541_n_171370454660cc161cbc7d0-1024x768.jpg)
古天樂、ERROR換夏威夷裝又唱又跳
當大家都以為古天樂除衫時,鏡頭一轉眾人已換上夏威夷裝,又唱又跳,古天樂更先後與盧覓雪、Agent L.攞住砂槌對跳,隨後又舉手扭晒腰,與平時看到十分Cool的他來個大反差。
![古天樂 張家朗 眾人已換上夏威夷裝,又唱又跳。](https://imgs.nmplus.hk/wp-content/uploads/2021/06/3-1-11-screenshot_171541311160c7475c7846e-1024x768.png)
193大跳〈今期流行〉
193還在廣告中模仿古天樂當年經典金曲〈今期流行〉的舞步,正當193大跳「拜神舞」時,古天樂即從後一腳踢開他,搞到193衝向鏡頭,弄得全場大笑。
![古天樂 張家朗 193還在廣告中模仿古天樂當年經典金曲〈今期流行〉的舞步,結果被古天樂一腳伸開。](https://imgs.nmplus.hk/wp-content/uploads/2021/06/3-1-58-screenshot_114130468460c746394c8aa-1024x768.png)
193出Post留言:「而家知Koo Tin Lok咩料喇」
這個無敵組合廣告出街後,193在其社交網上載廣告片並留言:「而家知@kootinlok_louis咩料喇,連我實Q都搶埋。@alfred_cho你唔實Q我,會唔會好冇安全感?」而ERROR另一位成員阿DEE就留言:「作為一個演員,無時無刻都要準備好,古生今次可能係嚟casting㗎!上大銀幕指日可待。」至於Agent L.亦有在其社交網上出Post並指首次見到古生真人「Not Secured!」
![古天樂 張家朗 193在其社交網上載廣告片後留言。](https://imgs.nmplus.hk/wp-content/uploads/2021/06/screenshot-www.instagram.com-2021.06.14-19_51_31_123538969360c746a9d4481.png)
網友留言激讚:個廣告都拍到賀歲片咁
至於廣告片段出街後,一眾網友即大讚:「個廣告都拍到賀歲片咁」、「真係第一次係youtube度 特登搵個廣告黎睇」、「估唔到古天樂肯同ERROR一齊拍野, 又真係幾好睇,幾好笑!! 古生有戲開嘅話諗下ERROR啦!!」、「超好笑,係咁睇,好洗腦!」、「首歌好好笑,好上腦!」
![古天樂 張家朗](https://imgs.nmplus.hk/wp-content/uploads/2021/06/screenshot-www.instagram.com-2021.06.14-19_52_06_177590974160c746ac2660a.png)
一齊睇下個廣告