伍允龍自小習武靠媽媽學懂中文 罕談與鍾嘉欣8年情 曾被指奀星:傷害喺我度

雖然只是男配角，卻因為且富有武打經驗，常騷八塊腹肌使出真材實料的武打技術，受到網民的關注。兩年前他更在TVB節目《諸朋好友》剖白他和鍾嘉欣一段8年的地下情，坦言受盡傷害。

伍允龍罕談與鍾嘉欣的8年情 ：傷害喺我度

2022年伍允龍與好友安志杰擔任由崔健邦主持的《諸朋好友》作嘉賓，罕有談及與鍾嘉欣的地下八年情。07年，他與鐘嘉欣拍攝電影《十分愛》而互生好感，惟他不服氣戀情需要「被收藏」，坦言因此受到傷害：「當年我成日被人叫茄喱啡、奀星，但其實我主演過電影，拍咗好多戲亦都好努力去做，好似拍《賭城風雲》咁，一個鏡頭被車撞，我撞咗成25次，又試過從一樓跳落嚟差啲斷腳，但都無人知。」

因為工作感情要收埋 「點解焦點會放喺地位分別上面？」

他又說：「我唔係投訴，只係唔明白點解焦點會放喺地位分別上，同埋同邊個拍拖。（咁多負面影響點解唔放棄段感情？）其實Ok，開心嘅。只係對方喺工作上嘅問題，要收埋我少少，我Ok嘅。（你覺得電視台畀咗壓力你哋？）佢嗰方面啦，因為工作要收埋我，相信佢嗰方面有啲壓力，咁我明㗎，當時佢好紅，但我係無名小卒，我明白嘅，不過就覺得過分咗去做呢件事，變咗個傷害喺我度。」

出席鍾嘉欣演唱會 合照泄戀情

2013年伍允龍高調出席鍾嘉欣的演唱會，曬後台合照，戀情逐漸浮面。14年9月伍允龍生日，對方如女主人般伴在男友身邊。

後來二人分手，鍾嘉欣遇上現任老公脊醫Jeremy，只是拍拖短短10個月的時間，就決定於2015年結婚，婚後一家四口幸福美滿。而早前伍允龍曾接受傳媒訪問表示祝福對方，而自己則希望渴望盡快成家立室，生小朋友。

「還人情」而與唐詩詠傳出緋聞

伍允龍出道多年只曾和鍾嘉欣傳過戀情，正面的印象深入民心。最近因為與唐詩詠拍攝《鐵拳英雄》朝夕相見，而傳出緋聞。有傳媒拍到他們於情人節當天的宣傳活動結束後，一同離開，唐詩詠更用出動私人黑色跑車接送伍允龍離開電視城。此外更有眼利的網民發現兩人的關係非常親密，不論在公開的宣傳活動，還是社交平台上的照片都經常坐在一起，這些線索都令他們的緋聞鬧得熱哄哄。唐詩詠曾受訪問笑著否認戀情，更笑言網民不用小題大做，只因伍允龍於拍攝《鐵拳英雄》時十分照顧自己，而「還人情」給他。

自小熱愛中國武術

伍允龍是出生於香港的台山人，自小隨家人移民美國，於伊利諾伊州芝加哥市長大，並在美國就讀大學主修藝術，擁有伊利諾大學厄巴納-香檳分校教育學學士及碩士學位。

他自小熱愛中國武術，由七歲開始跟隨父親學蔡李佛拳，為第六代弟子，13歲轉為跟舅父學習詠春，練了三年後於16歲獨自離開美國回流到香港，再進修詠春武術，於舅父推介下成為詠春名師黃淳樑的徒弟，更為葉問的嫡傳徒孫，可見他對中國武術的熱愛。然後他就一直參與電影、電視及廣告等演出，成為謝霆鋒的詠春師父，多年來亦師亦友。13年，他簽約王晶旗下工作室，首次擔正男主角電影《惡戰》，並與好友安志杰合作演出。

只懂三個中文字 靠母親自讀劇本

伍允龍剛回港參與幕前拍攝時，笑言自己是個「鬼仔」，他亦曾接受訪問說過，除了「伍允龍」這三個字，其他中文字都一律不懂，每次都要花數小時，將劇本傳真給媽媽，再打長途電話聽她教劇本的讀音去學習，這些一點一滴都毫不容易。幸好近年有手機軟件上載文字檔，再以中文讀音播出來，方便讀劇本。他笑言自己在香港10多年唱過多次卡拉OK，流行廣東歌幫助他認得中文字。

伍允龍拍《賭城風雲》被車撞25次

伍允龍在節目上大吐苦水：「當年我成日畀人叫茄喱啡、奀星，其實奀星都算好，起碼有個星字，但其實我主演過電影《惡戰》，係由袁和平擔任武術指導嘅電影，拍咗好多戲，亦都好努力去做，好似拍過套《賭城風雲》，一個鏡頭被車撞，撞咗成25次，又試過由一樓跳落嚟，差啲斷腳，但都冇人知。」

伍允龍對鍾嘉欣要求低調有微言：「變咗個傷害喺我度」

伍允龍指對方受公司施壓被迫玩地下情，他續說：「我唔係投訴，只係唔明白點解個焦點會放喺地位分別上，同埋同邊個拍拖。其實（我哋拍拖）係開心嘅，只係對方因為喺工作上嘅問題，要收埋我少少，相信佢各方面有啲壓力，咁我係明白㗎，因為當時佢好紅，但我係Nobody（無名小卒），冇關係，我明白呢一行係點樣嘅，不過我就覺得過分咗去做呢件事，變咗個傷害喺我度。」

伍允龍為啖氣拍TVB劇集

主持崔建邦爆伍允龍曾揚言一定要入TVB拍劇，因為想知道鍾嘉欣的工作是怎樣去運作，伍允龍直言感到不服氣：「咁啱當時TVB有幾部劇搵我，但我經理人覺得唔適合推咗。直至之後Jazz（監製文偉鴻）搵我拍《城寨英雄》，晶哥問我想唔想做，我即刻話想做，我當時已經唔係淨係話唔忿氣，而係想證實我都做得到。」

伍允龍對上一次拍拖一年 曾帶劉佩玥見好兄弟

伍允龍被指單身已久，他解釋是因為自己現階段唔想搵女朋友，只想搵老婆，所以要更小心地去選擇對象。他又提到在鍾嘉欣之後他亦有拍過拖：「我對上一個（女友）帶過出嚟同Andy（安志杰）、Jessica食飯，當時Andy話呢個女仔OK，之後我真係同呢個女仔拍咗一年拖左右。」近年伍允龍拍《城寨英雄》和《鐵拳英雄》，先後與拍檔劉佩玥及唐詩詠傳出過緋聞﹗

鍾嘉欣已成幸福少奶奶

鍾嘉欣自07年拍電影《十分愛》跟伍允龍相戀後，有傳電視台及唱片公司高層都嫌棄伍允龍知名度低，怕男方會拖累嘉欣影響人氣，因此兩人拍拖8年，一直都是地下情。2015年兩人分手後，未夠一年鍾嘉欣已搵到筍盤Jeremy，成為幸福少奶奶，至今已誕下一子一女，而伍允龍現時仍然單身。

曾指亞洲娛圈文化奇怪

其實早在2016年，伍允龍接受本刊專訪時，亦曾談及對地下情睇法，當時他相當隱晦表示：「我覺得亞洲娛樂圈文化有啲怪，女仔唔畀拍拖，男仔又唔畀拍拖，我覺得呢個文化，係要畀觀眾覺得有希望，其實我諗今時今日唔係好興呢啲，呢啲假象唔使再做，我自己個人想保密，唔係因為形象問題，而係想保持私隱。」