【親子好去處】Barbie Dreamtopia 彩虹故事屋 @ MOKO 新世紀廣場

呀芊跟得哥哥太多，成個男仔頭咁，今日難得有個女仔專屬的活動，一定要帶佢嚟玩玩

呢個彩繪復活蛋工作坊只係期間限定，在復活節進行(已完結)，每日兩節每節20分鐘。芊芊畫出自己喜愛的復活蛋，可以帶埋番屋企做裝飾

最近因為哥哥考試，整個注意力都集中在他身上，卻沒有留意原來芊芊依家玩公仔油顏色靚咗好多

靚靚顏色任你揀，想點畫就點畫!

小朋友都係鍾意咩顏色都要有! 畫好個七彩復活蛋之後，就同附近的Barbie佈景影吓相先!

我一向都冇特別逼芊芊要鍾意粉紅色或者公主玩意，但係最近大個咗，慢慢開始主動要求話要著高踭鞋同搽唇膏，唔係咁早熟呀!!!

復活節期間仲有專人講故事時間，聲音演譯4個生動故事(已完結)

番屋企細心再看這些相，先發現呢個囡在不同環境識得擺唔同甫士! 所以在這裏表情都來得少女D!

POPUP STORE擺放好多Barbie產品

Barbie Dreamtopia主題精選「小凱莉夢想飛船」、超愛女仔歡迎的「Barbie百變仙子造型禮盒」等多個系列，人氣超高的「時尚達人Barbie 系列」

部份產品仲係MOKO獨家，仲有53折!! 我都忍唔住買咗一個俾呀芊

仲有大家最鍾意有得幫Barbie換衫的「時尚達人Barbie 魔幻衣櫥連娃娃」、「閃耀 Barbie 系列」等

多謝姐姐拿了一個「時尚達人Barbie 魔幻衣櫥連娃娃」俾芊芊玩!

哎吔! 攪咩呀….每次呀芊玩Barbie時侯必做的動作! 醜死怪….

幫人着衫攪到人哋披頭散髮

Barbie俾呀芊攪到成個癲婆咁!

終於攪掂!!!

幫佢梳番靚靚個髮型先! 咁先至係我最愛既Barbie嘛!

仲有呀芊手上拎住的人魚版Barbie都係今次熱推產品!

買任何產品會有一個文件夾送；如果消費滿$300或以上，仲可以換到Barbie Dreamtopia環保袋一個

POPUP STORE去到23/4，大家快D嚟掃平貨!
Photo byCANON 5D Mark IV,Len|EF 24-70mm f/2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分:7分

呀劍評語:一個小小的POPUP STORE，就好似女仔的小天地，今次唔會有哥哥份，呀芊玩得特別開心!

Barbie Dreamtopia 彩虹故事屋 簡介

Barbie Dreamtopia的仙子故事引領小朋友發揮無限的想像力，【MOKO新世紀廣場 ×Barbie Dreamtopia】彩虹故事屋將延伸大家的創意空間，商場將會舉行連串復活節限定Barbie Dreamtopia工作坊。於指定時間，專業故事演講員會全新聲音演繹Barbie Dreamtopia中四個不同的故事，讓小朋友可以全情投入到Barbie的奇妙夢想國之中。此外，小朋友更可在故事屋內，把天馬行空的設計意念實體化，製作屬於自己的應節復活蛋，感受濃厚的節日氣氛。

Barbie Dreamtopia彩虹故事屋

日期：4月14至4月23日

時間：上午10時-下午10時

地點：L4樓層

Barbie Dreamtopia故事分享

日期：4月14日至4月17日

時間：下午2時及下午3時（約20分鐘一節）

地點：L4樓層

活動內容：由專業故事演講員全新聲音演繹Barbie Dreamtopia四個不同故事，與大家一齊投入奇妙的故事世界。

Barbie夢幻仙境Rainbow Egg復活蛋

日期：4月14至4月17日

時間：下午3時30分及4時30分（約20分鐘一節）

地點：MOKO新世紀廣場L4樓層

參加方法：成為MOKO VIP並憑500分換領「Barbie夢幻仙境Rainbow Egg復活蛋」工作坊乙次，可即場製作彩虹復活蛋乙隻。

推廣期內，在期間限定店內購買任可Barbie產品，即可獲贈Barbie Dreamtopia文件夾乙個；消費$300或以上，即可換領Barbie Dreamtopia環保袋乙個。數量有限，送完即止。

免費入場

查詢電話

2397 0790

(以上資料更新至文章當日)

Facebook專頁:呀劍萬帥 kimfamilytravel
Blog網誌 :kimfamilytravel.blogspot.hk