【鮮菇海帶燴飯】適合10個月以上寶寶食用 專欄 Sundaykiss Nov 24 2014 廣告 見到個製成品,再加埋個名有“燴”呢個字,大家一定以為係用咗啲特別汁再煮個飯。其實唔係,只係因為飯入面加左燕麥,再加上薯仔,兩樣食材喺慢煮嘅過程中都會令米飯變得稠身。另外,鮮菇的味道比人一種risotto的感覺,軟綿綿,菇味濃郁的“燴飯”,我自己都忍唔住食埋一份! 閱讀全文 【鮮菇海帶燴飯】 材料: 薯仔・・・・・半個(去皮,洗淨,切粒) 海帶・・・・・2克(用水浸軟,瀝水,切幼粒) 鮮冬菇・・・・5粒(沖淨,切幼粒) 肉碎・・・・・15克(沖淨,切幼粒) 米・・・・・・3湯匙 燕麥・・・・・1湯匙 水・・・・・・300毫升 做法: 1)將所有材料放入煲內,大火煮至起小泡,轉慢火,蓋上煲蓋,煮15-20分鐘至材料軟身,即成。