喇沙書院,喇沙仔,蔡卓霖,學界男女神,足球

喇沙萌系少男 – 蔡卓霖

article

廣告

話哂喇沙書院都係神級名校,冇理由一個男神都冇嘅!今個星期終於到喇沙仔出場喇!

喇沙仔除咗出名文武雙全,俾人感覺仲好平易近人。好似今次嘅主角蔡卓霖咁,雖然只係得15歲,身形未係好夠撐,不過勝在夠「嫩口」,招牌笑容仲相當煞食,對人仲好nice、好有禮貌tim!問佢平時有冇人讚佢靚仔,佢仲即刻好有信心咁搶答:「梗係有啦!」

英文名叫得做Ricardo,都估到佢嘅興趣係踢波啦!Ricardo而家係喇沙足球校隊(B Grade)嘅中場指揮官,佢話雖然今年有好多主力都升咗上A Grade,不過都唔會放攞冠軍嘅目標,希望可以打敗宿敵男拔同英華!

得15歲,又唔慣面對鏡頭,怕醜啲其實都好正常。影相當日我哋想捕捉Ricardo多啲唔同嘅表情,在場兩位攝影師都俾咗好多意見,教佢點擺pose,不過Ricardo似乎對「chok樣」有啲抗拒,每次chok完都hold唔到兩秒,所以中間嗰張「掩面傻笑」,其實先係最真情流露架!

擺pose都係落到球場最自然!最生猛!

「Hehe文化」最近忽然好hit,男校又唔知係咪特別多呢?想唔想聽吓Ricardo爆嘅「La Salle secrets」? 想就去片啦!

 

冇話要讀名校至可以係「學界男女神」嘅!

只要你係中學生,你又認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將參加者嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋,就ok架喇!

「學界男女神」,等緊你嚟挑戰!

 

 

撰文: Joanne

攝影: 溫俊鏘

攝錄:Anthony

剪接: 豪

Hair:Ryan@KINGS Makeup

Makeup: Ida@KINGS Makeup

鳴謝:飛龍球場(提供場地)