鄭漫斐

城大pure美笑女 – 鄭漫斐

article

廣告

有人話:「林嘉欣一笑,全世界都會靜止。」,可見「笑容」就係女生最強嘅武器。今期嘅主角,係喺城大讀緊Creative Media嘅 鄭漫斐 (Theresa),平時乜都笑得一餐,不過勝在笑容自然、零違和,好pure、好true得嚟,又好舒服囉!

影相當日,由Theresa現真身,到完成哂成個訪問,佢都一路keep住好靚嘅笑容,而且舉止動作都好自然,所以兩個攝影師都勁讚佢純品同「好影」架!

個人乖巧又純品,不過Theresa又話唔關家教特別嚴事喎!佢話可能係由細到大讀嘅學校,都係風氣比較好啦!係喎!Theresa係喺荃灣官立中學畢業架!傳統名官校,出哂名品學兼優啦!

Therecsa話,喺荃官讀書嘅日子好開心架!識到一班好好嘅朋友,為咗社制比賽,大家一齊好落力去準備,成日都搞到好夜,雖然好辛苦,但係係一段好青春、好熱血嘅經歷啦!

Theresa又識畫畫,又識吹saxophone,仲已經考到8級架喇!佢就好謙虛咁話,自己只係樣樣都識啲,講唔上係「精」,而家8級通街都係,其實都唔係特別叻!不過佢一直都有join 樂團嘅,由小學開始到到考DSE前,都係音樂事務嘅團員,所以都有唔少公開演出經驗啦!

[youtube id=”rgJJDOzZ13E”]

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將想推薦嘅同學,或者自薦人嘅facebook ,tag喺下面 “Comment”嘅位置; 再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影: Paul Choi

拍攝: Anthony Leong

剪接: Candy

美術: C.Ming

Hair:Wilson@KINGS Makeup

Makeup: Emma@KINGS Makeup

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。