酒店

指港人難服侍大數麻煩客6宗罪 入行10年酒店員工:唔係你工人

熱話

廣告

近日,有一位自稱入行十多年的酒店員工在網上大呻,指香港人難服侍,更認為很多客人Staycation時都提出很多無理的要求。最後更數麻煩客6宗罪,究竟發生甚麼事?

怨港人難服侍大數麻煩客6宗罪 入行10年酒店員工:唔係你工人

酒店Staycation熱潮勢不可擋,酒店每逢假日都人頭湧擠,不過酒店業界似乎對香港人好大怨言,有酒店從業員在Facebook群組「酒店Secret」中大嘆香港麻煩客好難頂。

酒店
(圖片來源:《假面酒店》劇照)

該酒店從業員話「最近睇到所謂Staycation,經常見到啲無理客,越睇愈燥,部份酒店已經要8折支薪同放no pay,前線同後勤已做到XX」,對比其他國籍的旅客更加差,更在文中大數香港酒店麻煩客6宗罪行!

酒店
(圖片來源:TVB《愛回家之開心速遞》)

酒店麻煩客第1宗罪. 成日搲提早入住、延遲退房

好多人以為酒店好多吉房,可以供客人隨時入住,但每次要求酒店換房,延遲退房,酒店職員都會果斷Say No,其實酒店並非涼薄,皆因酒店真係無晒房。該酒店從業員更透露好多酒店麻煩客會賴死不退房,「唔催佢都唔肯走」!

酒店麻煩客第2宗罪. 日日都週年紀念、慶祝生日

好多酒店Staycation套票都包括週年慶祝及週年紀念禮遇,會送蛋糕或其他贈品,該酒店從業員就似乎暗示好多人扮自己特別日子要慶祝,實則想搲著數搲到盡!

酒店
(圖片來源:Unsplash@finelystrung)

酒店麻煩客第3宗罪. 太怕撞鬼!麻煩客轉房再轉房

最近好多酒店住客都話住酒店撞鬼,原來酒店從業員好怕酒店住客成日轉房。他提到網上流傳「酒店尾房唔好住」,上到房間又突然話要轉房,真係好麻煩,大嘆「唔好信咁多啦!」

酒店麻煩客第4宗罪. 去廁所無沖廁+用完避孕套放床頭!

該酒店從業員又話,好多住客去完廁所唔沖廁,無奈道:「冇人想一入房就聞你陣尿味」。他又話成日見住客將用完的避孕套放床上、床頭櫃等位置,好激動表示「冇人想聞倒你啲X味」!

酒店麻煩客第5宗罪. 唔鍾意落前台退房

從酒店退房,大多數都需要酒店住客親自落櫃檯辦理手續。不過他提到有部分香港麻煩客,要求房務員直接查房,當正自己住時鐘酒店,導致房務員無辜增加工作量。

酒店
(圖片來源:Unsplash@anniespratt)

酒店麻煩客第6宗罪. 一入住就要毛巾、水、廁紙

其實作為酒店住客,要求少少基本用品實在不為過,不過他指好多Staycation酒店住客,鍾意一入住就要求房務員提供毛巾、水、廁紙等等用品,真係「擺明係攞走……要食埋人地隻車」,無奈感嘆「(酒店)唔洗燈油火蠟咩」。

酒店
(圖片來源:Unsplash@lejo)

酒店員工大鬧「有品少少啦,香港人!」

該酒店從業員話再話「你係客俾咗錢梗係想relax下,但唔好俾一千幾百就當自己酒店、就當自己皇帝,我地服務性行業都係人,唔係你工人 ,有品少少啦,香港人!」,似乎對住香港酒店麻煩客真係積怨已久。

酒店
(圖片來源:TVB《愛回家之開心速遞》)

「寧願做中國客!」

好多酒店從業員都留言話「不嬲都覺得香港客唔好做架喇」,又表示好多人話唔好做中國客,但人哋「畀得起錢、無文化得嚟有品啊」,對比之下香港人鍾意發爛渣,真係差好遠!

酒店
(圖片來源:Facebook群組「酒店Secret」)
酒店
(圖片來源:Facebook群組「酒店Secret」)

「越多要求越玩佢哋」

有酒店從業員更留言,嬲爆表示自己對住香港麻煩客,「越多要求越玩佢哋」,似乎會將怒火投放於工作上,勢必要香港客人受返氣!

酒店
(圖片來源:Facebook群組「酒店Secret」)
酒店
(圖片來源:Facebook群組「酒店Secret」)

「貪心唔會玩得開心」

亦有酒店從業員表示「其實啲人玩得咁貪心, 都唔會玩得開心」,想開心入住酒店最緊要心態擺得正,相信無論職員還是住客都能保持正面心境。

酒店
(圖片來源:Facebook群組「酒店Secret」)

圖片來源:《愛回家之開心速遞》劇照、Unsplash、《假面酒店》劇照