張嘉晴,學界男女神,聖保祿學校,HKU,游泳,田徑,學界

校花forever-張嘉晴

article

廣告

靚女通常都唔會係一日鍊成嘅!尤其喺呢個年代,「突然靚咗」,大家都估到係咩事啦!不過今次呢個女神Rachel張嘉晴,就肯定係百分百天然美女喇,事關佢由中學年代就已經係聖保祿學校(Paul Con)嘅校花,到入咗HKU,仲比人叫做「港大鍾嘉欣」tim!

Rachel嘅媽咪廖靜嬅係1978年香港嘅亞運游泳代表,所以佢都繼承咗媽咪嘅運動細胞,喺中學已經活躍於學界嘅游泳同田徑比賽中!到入咗U,都一樣有幫學校去游吓大專盃架!

Paul Con係好傳統嘅學校,作風一向都好低調。但係Rachel成日參加學界賽事,加上個樣又生得標誌,所以經常受到媒體追訪,仲曾經獲邀參加學界版嘅美女廚房!據知當時校方都有啲微言,仲捉過Rachel去訓話tim!

好多女仔上網唔係上facebook就係去淘寶,不過Rachel就鍾意睇財經網喎!佢仲封咗白手興家嘅公公做偶像,希望第時可以做個商界女強人!所以本來今年會升Year 3嘅佢,就選擇咗休學一年,入恆生銀行實習,儲定多啲工作經驗先!

雖然Rachel對自己嘅事業好有期望,不過有樣嘢就同一般女仔冇咩分別,就係「戀愛大過天」喇!佢成日都喺ig度,po自己同佢個牙醫男友嘅合照,曬恩愛架!

雖然封咗盤,但係話哂都係女神丫! 睇埋片先啦!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

「學界男女神」,等緊你嚟挑戰!

撰文: Joanne

攝影: Paul Choi

攝錄: Anthony

剪接: 豪

Hair: Yan Kwok @Hair

Makeup: Teris May MakeUp Workshop

鳴謝:YHA美荷樓青年旅舍(深水埗)

贊助獎品