珍貴的床照

專欄

廣告

Shaun Shaun細個時候瞓BB床,而大約一兩歲我哋就買咗張伸縮床比佢,希望佢可以獨立啲可以自己瞓,所以我哋一直都好少同佢一齊瞓覺。但琴日朝阿仔發燒,到夜晚都仲有少少,所以為咗要睇住佢,我就同佢係大床瞓咗一晚。
今朝佢醒咗既時候笑笑口咁望住我,令我記起近排為Canon EOS 700D 教BB攝影班時係Power Point Show出來的一張珍貴床照,我即刻攞出黎比佢睇,佢好開心咁話做返同一個動作比我影,佢唔肯合埋咀,佢話要有牙齒笑!(大個仔真係主見多多!)時間過得真係快,呢張相就正正係我努力既成績表!望住呢幅相,眼角都忍唔住有淚光,真係好唔捨得佢大得咁快!所以有機會大家都可以試下搵返D相出黎影張做個對比回味下,感覺真係好開心!