下一站…明星? – 蘇尚瀛

阿蘇入咗行只有兩個月，但係都已經有幾多job做喇！又拍廣告，又拍MV，處男作仲係俾森美睇中，幫一間銀行嘅小冊子影硬照，不過第一次嘅表現始終有啲生硬，仲俾森美笑啦！

影相當日，阿蘇都係慢熱啲，我哋俾好多彭于晏嘅相俾佢參考嚟擺pose，佢都唔係進入到狀態，後來發現其實佢鍾意嘅係謝霆鋒！即刻再搵啲chok神嘅相佢睇，跟住好快就入到戲喇！

阿蘇係讀DBS出身，中學已經係學界籃球界嘅明星，又打得又睇得！佢仲試過為表贏波嘅決心，同埋隊友一齊剃頭tim!

你睇吓阿蘇個樣斯斯文文，着衫又密密實實，係咪估唔到佢隻老鼠仔會咁大隻呢？佢個個禮拜去操架！冇計啦！為打波囉！不過想睇多啲都冇，咁靚嘅body，佢要留嚟拍廣告啦！

阿蘇經理人力推，話阿蘇個樣有6-7分似王浩信，你覺得似唔似？

睇相唔夠，睇埋片啦！

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。

「學界男女神」，等緊你嚟挑戰!

撰文: Joanne

攝影: Clay Lam

攝錄: Anthony

剪接: 豪

Hair:Wilson@KINGS Makeup

Makeup: Ida@KINGS Makeup

鳴謝:No wheres(提供場地)

及

贊助獎品