學界男女神, 劍撃, 吳子浩, 城大, 心理學,聖芳濟書院

劍撃王子-吳子浩

article

廣告

「靚仔」係咪有遺傳?第二個唔知,以今日嘅主角嚟講,就絕對可以話:「係!」佢哥哥係2013年校花校草選舉嘅冠軍,第二年本來佢都被主辦單位邀請去參加,但係因為俾阿哥搶頭啖湯用咗「劍擊王子」個名,所以就婉拒出賽。而家喺城大讀緊心理學Year 3嘅Bernard吳子浩,生得眉清目秀,又打得一手好劍,就算今日先俾番「劍擊王子」呢個名佢,佢都絕對配得起!

Bernard 8歲開始學劍,佢覺得劍撃係鬥智鬥力嘅運動,一打就迷上,14歲更加代表香港出戰世青賽。佢話最大嘅夢想,就可以由朝到晚咁打劍,打到咩都唔駛理,可惜佢都自知冇可能啦~

Bernard畢業自傳統名校聖芳濟書院。聖芳濟喺運動方面,雖然不太出眾,但唯獨劍擊一項,可以同其他傳統勁旅一較高低。唔講唔知,原來聖芳濟嘅劍隊,就係由Bernard一手創立架!

心理學喺香港嚟講,都算係比較冷門嘅學系,不過入學嘅要求,就一啲都唔低,Bernard話一般學生冇1A1B都唔駛諗,不過因為佢係透過運動員計劃申請入學嘅,所以入學條件會稍為寬鬆少少。

如果你都想讀心理學,Bernard都有少少忠告俾大家,因為心理學嘅課程涉獵都好廣泛,所以佢建議有興趣報讀嘅同學,事前要了解多啲先,如果唔係100%鍾意,真係會好難捱落去!

Bernard雖然係透過運動員計劃入學,但係咁又唔代表佢成績唔得喎!喺做訪問嘅時候,就發現到佢講嘢好順好有條理,佢就自爆當年考A-level,中英文口試都係攞A架!唔信?睇片就知啦!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

「學界男女神」,等緊你嚟挑戰!

撰文: Joanne

攝影: Paul Choi

攝錄: Anthony Leong

剪接: Candy

Hair:Louise@KINGS Makeup

Makeup: Ida@KINGS Makeup

鳴謝:Partyland (提供場地)

贊助獎品