我最喜愛的工作

今日連走兩場,上午教完大人影BB既攝影班，下午就係教小朋友影相！其實我真係好鐘意教班,由其是小朋友班！見到佢哋每影到一張滿意既相,又主動同我分享佢哋影既嘢,做老師幫佢哋評相同埋提點再得到佢哋可愛笑容回覆真係甜在心頭！

其實上年暑假已萌生咗個念頭攪暑期攝影班給小朋友（幼兒版3﹣6歲）,原因係見到Shaun Shaun當時只得3歲,但認真教他一些拍攝技巧後,發現他所拍的相片相當有趣！我相信係因為佢生得比我哋比矮,影出黎既角度同我哋平時影既好唔同,加上佢係隨心影,喜歡影就影,相片不做作,就好似佢同我講故事一樣！有一次,我仲係相機發現佢玩過自拍相,我相信係模仿我哋大人平時所做既！記得Shaun Shaun最初是喜歡影玩具,每當學懂相機的每一項新功能,他都會盡力去嘗試及練習,如zoom in zoom out；後來再認真教他基本構圖技巧,依家佢幫我哋影合照都已拍得很好很四正！過程之中,佢好主動將相片分享比我睇,好想話比我知佢影得好,加以鼓勵後,佢開心到不得了,無形增加咗佢對攝影既興趣同埋自信心。今年有幸得到技援借出器材比小朋友攪班,又得到家長支持,終於成功將上年諗既概念一一實淺,真係好感動！

今次活動,見到每位家長都好享受被子女拍攝的過程,無錯！過程之中,能與家長溝通如何合作拍攝又係一種另類親子體驗,其實影相都係一個既方便又快捷既親子活動,不仿比小朋友試下做攝影師,分分鐘有意想不到既作品出現呢！

是日活動剪影：https://www.facebook.com/media/set/?set=a.688649021188998.1073741830.160957703958135&type=1