玩穿珠

為咗荼毒女兒成為新一代貪靚王,
所有靚嘢都應該畀pok姐接觸吓!
pok 姐的表姨有日喺深水埗帶了一大箱膠珠來,
嘩~~
pok 媽一見雙眼發光,
(其實係我畀表妹荼毒咗!)
落開SSP做嘢,
即刻入貨啦!

我都知冇需要買咁多,
pok 姐其實玩一陣就唔玩,
與其說買畀pok姐玩,
不如說滿足吓自己o既貪念!
當店員話畀我知,
原來買 over 一磅價錢仲平過 under 一磅,
我發瘋了!
喺間膠珠舖揀咗成粒鐘,
揀到攰爆, 人又多 (只係一個平凡的weekday下晝)……..
先至買夠一磅~~ (都只不過是$65!)
你話買嘢幾辛苦呢…….!!

買完啲膠珠,
仲要買個盒裝起~~

番到屋企,
啲珠已經亂晒籠,

pok & da 井井有條地分好晒顏色!
da da 仲分上癮,
特登撈番亂啲珠珠再分過~~
見到佢玩得咁開心都唔好意思阻止~
後果係屋企D梳化罅、枱底、枱罅搵到好多膠珠~~
好彩屋企冇老人家啫~~

pok 姐送畀我o既第一條手鍊!
最鍾意彩虹o既佢果然極速用晒啲彩虹珠珠~~
早知買多D呢款啦!
(有pattern的膠珠就唔只$65/磅喇! 所以買嗰陣比較節制!)

pok 媽鍾意 Little Twin Stars o既 color tone,
自己穿完呢條手鍊仔都覺得好靚,
不過 pok 姐唔多欣賞~~
佢始終係屬於彩虹系的!
愈多顏色愈鍾意!

da da 都有份,
不過穿得麻麻,
要再鑽研吓 D pattern 先!

其實我覺得我鍾意玩多過 pok 姐囉~~
玩穿珠可以訓練小朋友耐性,
pok 姐從BB時代開始已經缺乏耐性!!
係時候要鍛鍊下喇!!

多間膠珠舖位於SSP汝洲街的南昌街及北河街之間一段!
各位貪靚媽媽不妨去尋尋寶!!
是個不錯的暑期活動啊!

宣傳你的專頁