2999就係Ocean喇。其實佢個no. plate 係“2999 naughty”

輸了,但還是很高興

專欄

廣告

Ocean 玩左Strider Balance Bike兩年了,星期日是Strider Cup round 9。我地基本上如果無野做都會參加。昨日佢地參考了BMX的賽式,三場預賽,再Semi final 再Final。Ocean為人無乜鬥心,只係enjoy玩,所以好少會贏。哈哈!今次就入到semi final,之後輸少少入唔到final。不過佢話今次好盡興!因為可以race幾次。

以往只係race一次,玩完就無,好無癮。OO話今次可以同好快的小朋友玩4次,好開心喎。之後到佢識的小朋友比賽,佢都堅持要睇埋先走!

輸贏對我們來說都無所謂(我們不用做CV!哈哈!)。比賽贏了,錦上添花;輸了嘛,有沒有努力,努力了就可以了。朋友中有玩單車玩長跑,一直都係教Ocean,一場比賽中,最重要係完成比賽。一場比賽只有一個winner,只為做winner去玩是最無意思的。係要enjoy個比賽,先可以支持你一直玩落去,一直改善自己的能力。

而我們參賽的目的,就係俾機會佢知道,山外有山,人外有人,永遠有人叻過你!

OO的角度係,可以同race得好快的人一齊玩車,係好開心的。贏了很開心,輸了也無所謂。過唔到關我地會繼續在場邊睇人地玩,睇人地點解人快。睇到別人落後會為小朋友加油!

自小潛移默化,所以佢3歲半時己經試過途中跌底,但自己識喊住爬起身再繼續比賽。佢賽後還對我說:「Uncle Don Don教我要finished the race嫁!」那次,我是比睇見佢贏比賽更感動的!

很多家長依家成日為左升學好緊張個獎,因為要寫在那個白痴的CV上!家長們常常會太過為個獎忘形而忘記點樣教佢面對比賽,面對輸贏。我在Strider場見過小朋友因為輸左無獎而喊,也見過有得到第二的小朋友追住得第一的小朋友來打去發脾氣!亦見過得第一的小朋友自滿的對老爸說:「重要練習?我已贏晒喇喎!」

這就是只是emphasize比賽的結果而出的惡果。

作為家長,我覺得教小朋友為甚麼要比賽,和如何面對輸贏是最重要的一課。