女拔混血BB – Lucy Stewart

Lucy嘅爸爸係由澳洲嚟香港執業嘅律師，媽咪就係香港人，因為平時同媽媽、細佬妹、同學溝通都係講中文多，所以Lucy嘅廣東話都好流利架！不過Lucy就覺得自己嘅中文底都係麻麻，所以平時會睇多啲報紙，同做多啲中文練習，希望可以進步多啲！

由小學開始，Lucy就加入咗女拔嘅大家庭，佢就話自己成績一般啦，可以再進步！據知女拔係按成績分班嘅，依次序係U、W、X、Y同Z班，Lucy而家就讀緊W班，咁其實成績都唔錯啦！

問佢喺DGS讀書辛唔辛苦？佢就話唔會因為係喺女拔讀書所以辛苦咗，佢反而覺得學校好鼓勵佢哋參加課外活動，令佢哋有時間可以輕鬆吓，所以都讀得好開心架！

睇番Lucy參加嗰啲課外活動，好似都幾冷門，好似打投球呀，同拉低音大提琴咁！不過全部都係Lucy自己揀架！佢話冷門即係特別啲囉；少人參加就想知係咪會難玩啲，想挑戰吓自己！咁勇於接受挑戰，呢方面真係幾「DGS」喎！

Lucy平時仲有玩開drama架，佢第時仲想做一個演員tim！因為做演員可以體驗唔同角色嘅人生同經歷；而且佢都好享受企喺Spotlight下面，個個睇住佢做戲嘅感覺！

我哋都即席叫Lucy喺Spotlight底下表演吓行catwalk架！真係愈睇愈有明星相喎！去片啦！

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。

「學界男女神」，等緊你嚟挑戰!

撰文: Joanne

攝影: 黃大立

拍攝:Anthony Leong

剪接: Candy

Hair:Willson@KINGS Makeup

Makeup: Wasabi @KINGS Makeup

提供場地: Aurora.5 (5400 0031)

鳴謝:

及

贊助獎品