我要做演員 – 廖殷曼

讀表演係殷曼嘅首選，呢幾年佢學到嘅唔止係演戲嘅方法，演戲同時亦對佢產生咗好大嘅衝擊，令佢更加熱愛生命，變得更好，更善良，亦開始識得為他人設想。

香港電影雖然正處於低潮期，不過殷曼覺得擔心都辦法。唯有與時並進，不斷改變同增值自己。仲話其實呢兩年本土電影都有唔少好作品，例如狂舞派、五個小孩等等，睇香港電影長大嘅佢，都希望為呢個嚴峻嘅環境出一分綿力。

殷曼外型討好，亦都好放得開，所以一直以嚟都有唔少演出機會，除咗一啲網上熱播嘅短片，亦都有大銀幕上嘅演出架，例如佢最近就參演咗 《大樂師 為愛配樂》、《賭城風雲3》同《寒戰2》，wow！幾乎都係大片嚟喎！

喺眾多演員當中，殷曼最欣賞嘅就係影帝黃秋生，由人肉叉燒包做個變態佬，到無間道、頭文字D 等，愈演愈有深度，成就咗唔少經典角色。

除咗做戲，殷曼都好鍾意打網球同去旅行，特別鍾意去日本，之前佢都有學過日文，10月底佢會去跑大阪馬拉松，出年2月，仲會再跑埋東京馬拉松!

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。

「學界男女神」，等緊你嚟挑戰!

撰文: Joanne

攝影: Clay Lam

拍攝: Anthony Leong

剪接: Candy

美術: C.Ming

Hair:Polly@KINGS Makeup

Makeup: King @KINGS Makeup

提供場地: shore

鳴謝:

及

贊助獎品

※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。