第一站就當然係去坐 昂坪360 纜車啦! 依家到5月中, 佢哋都做緊推廣, 凡以正價購買任何成人/長者標準車廂纜車車票或360娛樂套票(標準車廂)之人士，只需加$1，即可帶同一位3至11歲小童同行。^0^
雖然天陰有霧同大風, 但架纜車好定, 一 路吹風一路睇風景真係好舒服呀!
一講到大嶼山, 一定會諗到大佛, 但釋迦牟尼到底係點解會成佛既呢? 媽咪話昂坪市集入面有一個叫<<與佛同行>>既多媒體節目, 我哋可以透過立體動畫了解釋迦牟尼從尊貴的王子至得大智慧頓悟成佛的歷程. YEAH!!! 謎團終於解開啦!!!
跟住我地就去左睇360舞臺, 呢個係一個武打電影劇場. 講左好多有關動作電影既拍攝情況, 又刺激又攪笑, 真係好好睇.
睇完劇場, 我地就即刻去埋隔離睇5D動感電影, 我今次睇既係<<動感大嶼遊>>, 感覺超真實, 娛樂性高, 真係值得一睇.
玩在咁耐, 係時候要搵食啦!婆婆想食豆腐花,所以就向大佛果邊行過去睇下. 中途見到好多牛牛响度食草,媽咪就叫我試下<<對牛彈琴>> :p 原來牛牛真係唔會理我嫁.>0<
終於黎到終點站– 天壇大佛 ^0^ 重去埋寶蓮襌寺食齋 ^^ 超滿足呀!!!
快樂時間過得快, 係時候要回程啦! 其實响市集入面重有一d特別活動比持有即日昂坪纜車車票的賓客參加, 我走既時候啱啱整緊甜蜜糖畫棒, 真係好靚(可能重好好味添 :p) 特別活動做到5月中嫁咋, 希望下星期媽咪會再帶我黎玩啦! ^0^
