教育學院,學界男女神,林卓欣,汪琳,中文,唱歌,跳舞

教院汪琳 – 林卓欣

article

廣告

上堂嗰陣,教書嗰個Missy如果靚女啲,你聽書會唔會專心啲?今次呢位主角係一位準Missy,嚟自香港教育學院嘅林卓欣(Melissa),而家讀緊Year 3,個樣有8成似足前TVB小花汪琳,如果有佢教你中文,應該唔會恰眼瞓掛!

Melissa之前已經去過唔少中小學度擔任課後導師,比較難忘係有一個小學生,喺最後一堂同佢講好唔捨得佢,好想下年再見到佢!佢話作為老師,見到學生鍾意上堂學嘅嘢,又學得到嘢,真係會好感動!

Melissa話以前自己讀書嗰陣都好自律,唔駛Daddy同Mummy擔心。如果第時佢教嘅學生唔乖,佢唔會一味鬧,因為要溝通同了解學生嘅問題,先可以令佢哋明白自己嘅錯,同點去改過。

做老師係困身,不過Melissa都好識得去發展自己去興趣,好似佢又鍾意旅行,又鍾意唱歌跳舞。早排佢先自己一個走咗轉首爾,仲喺嗰邊學跳舞tim!佢話下次想去紐西蘭試吓玩sky diving,挑戰吓自己!

畢咗業之後,Melissa話除咗會比心機教書,亦都好比心機儲錢。因為佢想每個weekend都可以搞吓Music live,等自己可以過吓歌癮,減吓壓;又可以同人分享吓自己鍾意嘅音樂!

Melissa個樣斯文,又生得細粒,入到課室係咪真係壓得到台架?哼!睇埋條片,你就知佢都可以好有霸氣!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

「學界男女神」,等緊你嚟挑戰!

撰文: Joanne

攝影: Alison

拍攝:Chiu

剪接: Candy

Hair:Louise@KINGS Makeup

Makeup: King@KINGS Makeup

提供場地:Gatherland Theme Garden Company ( 9581 7874)

鳴謝:

贊助獎品