公大胡鴻鈞 – 梁啟倫

Vincent係2011年校花校草選舉嘅冠軍，不過原來過程都唔係咁順利架! 其實喺2010年Vincent都參選過一次，不過當時就連20強都入唔到，但係佢冇放棄，第二年再選多次! Vincent話，當時冇諗過自己會贏，因為其他參賽者個個都唱得跳得，而佢就做咗一場獨腳戲，由劇本至道具都係由自己一手包辦，可能班評判見佢咁有誠意，就俾佢贏咗喇!

16歲當選校草之後，Vincent因為唔想考DSE，同覺得喺香港學唔到英文，去加拿大讀書讀high school。不過因為好掛住屋企人，所以而家就返咗嚟香港讀大學喇。

Vincent而家喺OU讀緊電影設計及攝影，佢話呢科唔會太難入，上堂主要係學吓影相技巧、相機歷史、電影分析同畫畫咁，希望學多啲相關嘅嘢，為將來進軍幕前做準備，拍啲質素高嘅港產片。

返咗嚟香港之後，Vincent都拍咗好多部微電影，佢覺得係一個磨練演技好機會，因為拍電影多數都係做臨時演員，好少機會可以練到演技，佢希望可以盡量嘗試不同角色，不過有如尺度太大，就會再考慮喇!

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。

「學界男女神」，等緊你嚟挑戰!

撰文: Joanne

攝影: 黃大立

拍攝: Anthony Leong

剪接: Candy

美術: Linda

Hair:Willson@KINGS Makeup

Makeup: King @KINGS Makeup

提供場地: 官中站

鳴謝:

及

贊助獎品

※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。