陳凱瑤

瞇瞇眼娘娘 – 陳凱瑤

article

廣告

瞇瞇眼,即係一雙「會笑的眼睛」,喺相學上,係容易吸引異性、人緣較佳、樂觀,同福份嘅象徵。擁有一對瞇瞇眼嘅Yoyo(陳凱瑤),今年19歲,而家喺港大保良社區書院讀緊旅遊及酒店管理,笑容甜美親切,極具親和力,從事服務業就最適合不過!

唔止對眼識得笑,Yoyo嘅笑點本身都好低,乜都笑得一餐!都幾開朗活潑同隨和,仲有啲天然呆,係個非典型性天蠍座女孩。

Yoyo由細到大嘅夢想就係做空姐,因為好鍾意撘飛機同周圍去,而且佢都覺得服務性行業好啱自己啦!聽聞空姐都有身高限制,大部分航空公司都要求空姐舉手有208cm或以上,Yoyo身高有173cm,呢方面當然冇問題啦!

女仔生得咁高真係比較少見,Yoyo話其實成日都有人問佢究竟食咩食都咁高大啦!Yoyo話自己唔食牛同唔飲奶,所以生得高應該唔關食乜事,係關遺傳事多啲啦!加上佢又玩開田徑,所以中二之後就開始高喇!

最近係女仔都會比人問:「你揀游學修定劉鳴煒?」Yoyo二話不說就話揀游學修啦!話哂後生啲,仲有大把機會,就好似潛力股咁!同埋佢比較鍾意風趣幽默嘅男仔,同佢一齊一定好好玩!而Yoyo心目中嘅男神就係佢爸爸!佢仲大讚爸爸又靚仔又高大!煮飯仲好叻tim!真係Man到爆!

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將想推薦嘅同學,或者自薦人嘅facebook ,tag喺下面 “Comment”嘅位置; 再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

 

撰文: Joanne

攝影: 溫俊鏘

拍攝: Anthony Leong

剪接: Candy

美術: C.Ming

Hair+Makeup: EM Makeup

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。