法律系美少女 – 陳思正

Cyndi係末代嘅會考同高考生，佢讀中學嗰陣成績已經好好架喇，經常都keep喺頭三名內；加上又係學生會主席，未放榜就已經有兩間大學嘅熱門學系比咗offer佢，不過因為覺得法律有挑戰性啲，所以最後就做咗「Law友」喇！

Cyndi話讀law都幾辛苦架！不過最辛苦唔係成日要捱更抵夜咁苦讀，而係見到讀其他系嘅朋友，日日精彩，夜夜笙歌喎！

過埋呢個暑假，Cyndi就升year4喇！不過今個暑假佢都一樣冇得玩喎！因為佢而家已經出發咗去北京同上海實習，去了解內地嘅司法制度，同兩地嘅法院喺運作上有咩唔同；之後又要再去英國上個交流課程，都真係幾忙啦！

話晒都係90後，但係Cyndi嘅喜好都係比較「舊」… 佢鍾意張國榮、美少女戰士、聽黑膠、Beatles，仲有睇舊嘅港產片。問佢點解，佢話可能係對舊時黃金年代嘅香港好嚮往啦~

未入U之前，Cyndi都幻想過自己會做深宵節目DJ，可以播自己鍾意嘅歌；又或者做演員，可以經歷吓另一個人嘅人生。現實生活中，佢就覺得而家講終身職業太長遠，等做到律師先算啦！

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。

「學界男女神」，等緊你嚟挑戰!

撰文: Joanne

攝影: Paul Choi

拍攝:Anthony Leong

剪接: Candy

Hair:Willson@KINGS Makeup

Makeup: King @KINGS Makeup

提供場地: MioXpace (9711 9533)

鳴謝:

及

贊助獎品