醒目家長請注意！

無論大家識唔識我，請各位花少少時間睇下以下既POST，如果唔係暗人做暗事，DELETE／隱藏咗本相簿被設計師發現（相關連結：https://goo.gl/f4G03L），同埋呢件事唔係今年既事，經過朋友支持之下，本身我唔想咁公開再討論，但大家都希望我發聲！我希望各位家長，可以以客觀身份去睇呢件事！我只係為我哋既創作討回一個公道！

自從琴日出POST之後，收到好多客人既關心及鼓勵說話，亦收到好多人問我係邊個，我一直堅持唔出名。由此至終，我無變過係我為影樓做既所有嘢，係純綷賺取我可以以自由時間陪伴我家公子成長，由我第一日開始教家長攝影至現在的影樓拍攝，完全無諗過我做出黎既嘢（我自己覺得好玩同埋係興趣）有咁多人喜歡及支持！不知不覺，你哋支持同埋分享變成我工作上既滿足同一種動力，無奈以我既拍攝經驗、IDEA、製作時間及硬件設備（1500呎影樓），成本上比一般細影樓或FREELANCER相對高！所以我好明白體諒客人既需要，而去設立會員制度，目的係讓支持我既客人可以係介紹朋友同時中享受優惠，或享有預售優惠等。呢一啲，都係一般MARKETING既做法。

自從我2013年係尖沙咀影樓開始製作唔同主題（例如：80年代班房、CRAZY XMAS等拍攝之後），發現原來好多家長有呢一方面需求，亦可以講，真係幾受歡迎。見大家咁鍾意，於是我就好用心以家長同小朋友既角度去諗多啲唔同既道具，天馬行空咁諗，但主要以遊戲方式為主，希望每次主題，都能加一些小遊戲，令拍攝既小朋友唔會覺得似係被影相，係黎玩多啲，而每次拍攝之前，都會比我小朋友一試，確保小朋友係鍾意同埋最重要係安全（所以你哋見到今年既畢業拍攝我入咗一大堆韓國地墊，我相信識貨既媽媽都知成本唔平）。

2014年9月左右，正準備將影樓搬往新蒲崗之際，係離開舊影樓前，就諗住回饋客人，開咗一個金色底的HALLOWEEN MINI SESSION拍攝，無幾耐，有客同我講，發現有行家做類似，我睇咗啲背景，雖然顏色唔同，但其實都幾似，但我記錄在案無乜點理。就係果陣，我先知道有呢位收費攝影師存在，亦都有家長話我知佢既背景。其實，我留意到，你估真係成日睇住咩？邊有咁多時間？我不犯人，人不犯我！大家有自己既客路，風格不同，我成日都同客講，我唔介意你去第二度影，我亦有介紹客去其他相熟的攝影師拍攝，因為我從來都唔覺得自己既相係最好，呢個世界又邊會有影得最好？因為影相呢樣嘢太主觀，而且強既攝影師大有人在。

後來，我一直都無理，誰不知就係琴日發現原來係同一人做呢個畢業FOAMBOARD抄襲！於是好奇睇下佢既相簿，點解可以抄咁多嘢？大型道具（當然抄唔到因為我搵咗好耐）、FOAMBOARD（當然抄唔足，因為我哋有專業設計）、場景（佢又好嘢喎，租到個PARTY ROOM）、小朋友帶眼鏡等等⋯⋯我本來都無乜嘢，因為已經發現唔係第一間抄，但咁樣抄法，會唔會太離鐠！我2014年發現既時候一直都無理，到琴日睇返原來佢2015年將我2014年既HALLOWEEN直頭抄到一無一樣，今次唔只影響到阿CAT，仲令我覺得有啲嘢，真係唔可以唔理。於是我好努力去睇下佢公開既相簿作品，同埋唔覺意睇到佢既收費同埋佢同其他人之間的對話，我覺得，消費者有必要知道。如果佢係免費，我覺得問題不大，但佢係收費，諗都唔洗諗抄咗我哋既嘢，然後再收平啲，咁又會唔會太過份？最大發現，原來佢對於自己收費既準則係咁既。

我知道呢度好多媽媽都認識佢，亦有媽媽同佢好好朋友或者幫襯過佢，所以有人問我做乜唔公開名？我覺得真係無需要！公道自在人心。

最後，我想講，如果大家有記得我上年做聖誕果個主題，我係連場景都未出就出優惠！原因是什麼？相信聰明既你應該會估得到！

如果大家想支持及想話比身邊既朋友留意，歡迎「借分享」。再一次感激各位既支持！

＊如發現有太不善意的留言，無論是講那個攝影師還是我，我都會留言同刪除，希望各位體諒，我純綷分享返我既感受，畢竟呢個係我既BLOG，我應該有權去保障各位＊