Victoria Tam

重返校園的?模 – Victoria Tam

article

廣告

外界對「?模」嘅評價,以負面居多,又話人「貪慕虛榮」,又話人「發明星夢」,又話人「學歷低」!但係舊年DSE就出咗個「?模狀元」Elise喎!所以都係嗰句啦~ 世事無絕對嘅!今次嘅主角,就係Elise嘅師妹, Victoria Tam (譚詠怡),佢19歲就開始做「?模」,仲出過寫真集tim!不過舊年佢就孭番起個書包,重返校園,而家就喺公開大學讀緊室內設計,過番啲平凡嘅校園生活。

做咗幾年model,Victoria開始覺得呢條路長遠嚟講都係冇乜保障,所以舊年就決定讀番書,學番一技之長,等將來可以有啲保障!

放低咗個書包咁耐,而家做番個全職學生,Victoria話讀書嘅壓力冇以前咁大,亦都好享受平凡嘅校園生活,至於可唔可以好似Elise咁好成績呢… Victoria話一定會俾心機,希望可以啦!

Victoria自細就鍾意畫畫,所以就揀咗讀緊室內設計呢一科,不過讀完書之後,佢希望可以全職去做有關嘅工作,最好可以設計埋自己間Dream House啦! 不過都會考慮繼續做兼職model!

之前Victoria都有出過寫真集,有啲相都幾大膽架!第時會唔會再出呢,Victoria就冇正面回答,不過就話覺得出寫真係一件好開心嘅事,亦都唔覺得有啲咩大問題,佢一直以來都好想擁有一本自己嘅書,記錄但自己唔同嘅面貌。仲話有睇過佢本寫真嘅人,都應該知道入面其實係好健康,都唔係咁大膽啫!

以前有傳媒會叫Victoria做「翻版王君馨」,不過佢就覺得自己唔係幾似啦!反而最近比較多人話佢似溫碧霞,佢自己都覺得有少少似,而且都好想好似溫碧霞咁,咁有女人味!

[youtube id=”x_-ipVUCaTQ”]

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影:Clay Lam

拍攝: Anthony Leong

剪接:Candy

美術:C.Ming

Hair+Makeup: EM Makeup

場地提供: Palette Party Studio