坐BB車返學有無問題?港媽批評家長太縱容 掀正反網民激烈罵戰

坐BB車返學有無問題?港媽批評家長太縱容 掀正反網民激烈罵戰

Article

BB車 是讓小朋友坐、臥、休息的手推車,方便家長接送仔女去不同地方。不過近日有名港媽於網上討論區撰文,批評有部分家長容許已經四、五歲的仔女坐BB車返幼稚園,她認為這樣做會不利小朋友的身心發展。帖文引來很多網民討論,有人認同這樣做會令小朋友產生依賴,亦有人覺得小朋友坐BB車代步沒有影響其他人,反駁港媽太多事。

撰文:Clara | 資料來源:網上討論區 | 圖片來源:TVB劇集《金宵大廈》、《白色強人》

港媽批家長畀幼稚園生坐BB車返學

事緣一名港媽於網上討論區以「我真係對啲坐BB車返幼稚園小朋友好反感」為題,批評部分家長容許讀幼稚園,目測四、五歲的仔女坐BB車。她估計網民一定會反駁她,認為小朋友身體有殘障問題,但她強調見到坐BB車的小朋友都是讀正常幼稚園。她猜測家長讓小朋友坐BB車的原因有兩個,第一,過分縱容仔女,這樣他們就不需行路;第二,當職員見到小朋友坐BB車,或會以為年紀細過三歲,他們就不用繳交車費(港鐵規定三歲以下小童毋須付費乘車)。

港媽批家長畀幼稚園生坐BB車返學(圖片來源:TVB劇集《白色強人》電視截圖)
港媽批家長畀幼稚園生坐BB車返學(圖片來源:TVB劇集《白色強人》電視截圖)
港媽批家長畀幼稚園生坐BB車返學(圖片來源:TVB劇集《金宵大廈》電視截圖)
港媽批家長畀幼稚園生坐BB車返學(圖片來源:TVB劇集《金宵大廈》電視截圖)

她認為香港面積細,即使行都不會行得長,如果家長仍減少小朋友行路時間,會影響他們的發育:「小朋友已經嚴重缺乏運動,好多都行兩步就叫攰,係邊個造成影響心肺、氣管功能?條(人生)路咁長真係唔知幫得幾多。」 她呼籲獨生仔女的家長既然不用分心照顧其他仔女,就應該學會放手,讓小朋友盡快學懂自立:「返學就係要學習自理獨立, 以前我仔女幼稚園個校長講得好啱,要自己孭書包自己行。我知得罪好多人, 我仔女不嬲都係自己孭書包,自己的事自己做。(如果)放學真係好重,出外食飯幫佢孭一陣都唔緊要。」

港媽批家長畀幼稚園生坐BB車返學(圖片來源:TVB劇集《白色強人》電視截圖)
港媽批家長畀幼稚園生坐BB車返學(圖片來源:TVB劇集《白色強人》電視截圖)
港媽批家長畀幼稚園生坐BB車返學(圖片來源:TVB劇集《金宵大廈》電視截圖)
港媽批家長畀幼稚園生坐BB車返學(圖片來源:TVB劇集《金宵大廈》電視截圖)

網民反對港媽:做媽媽壓力大

不過媽媽級網民不太認同這位港媽的說法,認為其他家庭不會突然主動向她解釋因由,故她不應在不清楚內情下,過分「關心」別人:「下下同你解釋咩,你做好你自己,湊好你自己小朋友就已經足夠。」、「每個人湊都唔同,有時候唔影響到你,你就唔好理太多,你眼中的正確唔代表一定正確!」、「唔好只係你嘅角度去衡量有無需要或應唔應該,導致做媽媽壓力更大。」

有家長解釋讓仔女坐BB車好處多,一來節省時間,二來減少他們扭計機會,容易照顧,也比較安全;三來節省力氣又方便:「有時帶住個幾歲行,本身只係10分鐘,帶住佢行可能半小時,天氣又熱…去買餸拎住好多嘢,仲要拖住個小朋友龜速咁行….真係幾辛苦!」、「佢有時又唔生性,四圍撞,行行吓又累,非常狼狽。」、「有時小朋友行得慢,用車仔會快捷啲,另外有車仔困住唔會周圍走,要買嘢或者攞住嘢會方便啲照顧」、「屋企末必有車直接到學校,又未必有校車,最近要由地鐵站到學校,行15-20 分鐘。夏天行到身水身汗,小朋友又未必可以換衫,入到課室有冷氣容易病。」

網民反對港媽:做媽媽壓力大(圖片來源:網上討論區截圖)
網民反對港媽:做媽媽壓力大(圖片來源:網上討論區截圖)

網民支持港媽:生對腳畀佢哋做咩?

另一邊廂,有不少網民認同港媽,覺得小朋友要習慣用腳行路,不應該太依賴BB車,有人見過幼稚園門外泊了最少20架BB車:「真係好難理解,見過K3都係咁,對腳已掂地。」、「我見過有個七至八歲出街仲坐BB車,成個車籃都係玩具。個男仔望落都好正常,似係阿媽太縱,我個仔四歲都無坐BB車好耐。」、「我都接受唔到咁大個仲坐BB車,生對腳畀佢地做乜?」

亦有網民覺得是家長懶,貪方便:「上水火車站附近好多,啲媽媽每人一架,個小朋友喺車,左右兩邊放尿片、奶粉。」、「多數都係家長懶,費事煩小朋友扭抱,推住佢又塞個電話,順便買餸。」他們覺得BB車太阻路:「香港地少人多,汽車已經都話嫌多,仲要加埋BB車、買餸車,你話條路剩幾多?」

還有網民深入分析,認為無論如何都是家長責任最大,沒有藉口:「正常幼稚園都喺屋企附近,唔近都有校車喺附近上車,如果真係要長途跋涉咁返學,個家長選校好有問題。咁短路程都唔行,一係家長就佢或者小朋友未瞓醒覺唔肯返。如果係小朋友未瞓醒,家長可能同小朋友玩或者睇電視睇到好夜。呢樣都係家長造成。」

網民支持港媽:生對腳畀佢哋做咩?(圖片來源:網上討論區截圖)
網民支持港媽:生對腳畀佢哋做咩?(圖片來源:網上討論區截圖)

 

常見問題:

BB車的作用是?
讓小朋友坐、臥、休息的手推車,方便家長接送仔女去不同地方。

讀者留言

更多精選內容