校花

HKU索校花 – 楊慧敏

article

廣告

頭髮長長、眼仔大大、長腿,加笑容甜美;喺港大讀食物及營養學嘅Mina(楊慧敏),唔止鍾意食,仲識得食得健康,身材fit到爆,集齊呢啲典型靚女嘅條件,唔怪得可以成為大專校花嘅冠軍啦!

Mina平時鍾意煮嘢食,特別係甜品,好彩佢嘅專業就係食得健康,成日會度啲健康食譜,等自己食得健康啲、fit啲同靚啲,加上自己鍾意運動同跳舞,所以身材先keep得咁好!

Mina鍾意唱歌同跳舞,仲好享受喺舞台上表現,雖然而家已經喺營養顧問中心度累積緊經驗,但係佢話唔會放棄做幕前工作嘅機會,不過考慮到「青春」同「靚」都好難keep足一世,所以營養師嘅專業就可以當係保障。

外表斯文嘅Mina,其實好玩得架!仲有樣嘢係估佢唔到嘅!就係佢雖然係90後,但係竟然非常沉迷周星馳嘅電影,仲要連對白都可以隨口都背得出,睇佢真人表演,真係好睇過睇網上cap圖呀!

去選校花,唔單止係因為對自己嘅外表有信心,Mina話當時係想識多啲人,最重要就係趁青春留個美好回憶,等自己嘅大學時代可以豐富啲。

參加得當然都想贏,不過當時對手個個都又靚而有才華,所以最後攞到冠軍,Mina話都幾surprise啦!最感動嘅係,Mina媽咪一直以為佢只係陪跑份子,點知到決賽都現身去撐場,Mina話真係開心過自己攞獎呀!

 

Mina可以揮低咁多個對手,才藝方面肯定都唔會輸蝕啦!玩開合唱團,唱開女高音,跳舞仲Hot到爆啦!有片有真相,自己睇吓啦!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

「學界男女神」,等緊你嚟挑戰!

撰文: Joanne

攝影: Simpson Chiu

拍攝:Anthony Leong

剪接: Candy

Hair:Hey@KINGS Makeup

Makeup: King @KINGS Makeup

提供場地: 出租廚房 RENT-A-KITCHEN (6464 2910)

鳴謝:

贊助獎品