KGV,Michael Lam,林朗星,英皇佐治五世學校,三項鐵人,單車,學界男女神

KGV萬能俠-Michael Lam

article

廣告

國際學校相對於傳統學校冇咁多規矩,對學生嘅形象都冇太多限制,好似男仔頭髮稍長啲,女仔長頭髮都唔需要紮辮,甚至容許黑色以外嘅髮色,所以話國際學校多靚仔靚女,都唔係冇原因嘅! 就好似今期嘅主角Michael Lam(林朗星)咁,佢就係英皇佐治五世學校(King George V School,簡稱KGV,V讀作five)嘅學生,今年讀緊Year 12,睇佢個返學look都潮過人,一定殺死唔少女同學啦!

 

Michael話自己鍾意接受挑戰,如果只可以玩跑步、踩單車同游水是但一樣,佢都覺得悶,所以挑戰個人極限嘅三項鐵人,至啱佢玩!不過希望佢呢種呢種諗法,唔會同時放喺感情觀上啦!

青靚白淨+殭屍牙+腰果眼,仲唔係靚仔方程式!

Michael件單車戰衣包得咁密實,你實以為佢除咗個樣就冇乜睇頭啦! 哼!

睇埋條片,你就知佢身材有幾fit喇! (仲露……tim!)

 

冇話要讀名校至可以係「學界男女神」嘅!

只要你係中學生,你又認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將參加者嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋,就ok架喇!

「學界男女神」,等緊你嚟挑戰!

 

 

撰文: Joanne

攝影: Clay Lam

攝錄及剪接: 豪