【玩具推介】玩具“反”斗城「Festive Fun」

專欄

廣告

話咁快又一年,一到聖誕節每個小朋友總會諗起聖誕老人,我家兩小就即刻會諗起「玩具“反”斗城」,因為佢哋話唔駛聖誕老人咁辛苦,自己直接去買就得啦!

今年「玩具“反”斗城」推出這個「Festive Fun」的聖誕主題活動,有過百款Price Crash瘋狂勁減產品及聖誕消費激賞
我哋搶先一步店都未開就嚟到海港城分店等開門,活動未開始哥哥就已經跑去玩餐飽,見到周圍都係玩具,嗰種心情真係超興奮

今次Price Crash真係減得好盡,我見到Scooter都只係百幾蚊就有一架,等Geoffery出嚟介紹下有咩又好玩又抵嘅嘢玩先

「Hi! Geoffery」我哋又幾個月冇見啦,唔知幾時可以同佢一樣高,最慘今日妹妹唔喺度,如果唔係每次見Geoffery影一張相,可以順便度度高

所有小朋友先同Geoffery一齊嚟唱番首聖誕歌先

今年聖誕「Festive Fun」玩具推介「Geoffery’s TOP 15」究竟有邊幾款呢?

我自己本人首推一定係呢個Sphero R2-D2 App-Enabled Droid,除咗R2-D2,仲有BB-8同就上映電影最新角色BB-9E

哥哥等都唔等我,就已經開始叫姐姐教佢玩!

我想玩都冇機會,哥哥全程投入玩…玩到我走咗去第度都唔知,睇嚟我可以今晚先嚟接番佢

Moose奧尼斯神奇黏貼球入門裝,係「玩具“反”斗城」獨家發售,適合5歲或以上玩

每個小汽球都有黏力,可以互相黏貼埋一齊,設計自己鍾意的小動物

又有PJ Masks 總部套裝,最啱鍾意玩車仔嘅小朋友

實在玩唔哂咁多款遊戲,最後介紹呢個係Hasbro層層疊互傳樂,唔好睇佢同普通層層疊一樣,今次加入新玩法,玩家要自己握實扶手去掹出木條,然後再傳俾下一個朋友,難度增加咗仲反而好玩咗!但係都只不過賣 $200!

聖誕開Party帶去玩真係一流

試玩完多款玩具,以為就冇嘢玩?今年聖誕在尖沙咀店、荃灣店、九龍灣店及銅鑼灣店,於11月11日至26日的周末,下午2-5時有個聖誕紙藝裝飾工作坊,小朋友可以自己設計出專屬的聖誕紙藝裝飾

填顏色對哥哥嚟講絕對冇難度 啦!話咁快攪掂

唔怪之咁快啦,都冇油底色,同埋後面都未油,簡直同佢學校考試一樣,成日份卷漏咗未做

唔單止咁,今年聖誕新增「尋找你的聖誕好朋友之旅」(期間限定尖沙咀店、紅磡店、銅鑼灣店,並於11月10日至12月10日推出) 小朋友拎住支「Geoffrey魔法筆」同埋遊戲表格,就可以在店內不同角落搵出聲音中的角色,完成後仲有份神秘小禮物

去「玩具“反”斗城」真係唔再剩係買玩具,仲有得留低喺度玩,好似變咗個小小樂園

最後都感謝「玩具“反”斗城」送俾佢哋兩兄妹今次「Festive Fun」玩具推介「Geoffery’s TOP 15」的其中兩款

哥哥第一時間拎住兩件玩具番去搵埋芊芊同佢分享

我一直都打算買的STAR WAR光劍,估唔到今次收到「玩具“反”斗城」送俾我哋,真開心可以慳番筆!等佢哋兩個可以變做「絕地武士」,希望佢哋兩個玩起上嚟都「絕對無事」啦

另外LEGO就一定係佢哋至愛!呢盒「LEGO汽車搶劫」套裝,砌完我哋仲可以拍番套兵捉賊電影!

不過都要等佢哋砌好先…

過咗成個鐘頭,我哋夾手夾腳終於天黑前攪掂,當我影完呢張相然後話「留番下次先玩」,兩個即時扁哂咀,哈哈!

入夜之後開着光劍玩,仲型仔!

Photo byCANON 5D Mark IV,Len|EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分:10分

呀劍評語:玩玩具係每位小朋友的專利,就等於大人都一定要有娛樂,可以係煲劇,可以係打機,所以我一定會鼓勵家長俾自己小朋友玩多D玩具。老土D講句「吊頸都要透吓氣」,其實你個小朋友讀書真係幾辛苦㗎,如果做完功課考完試,就帶佢哋去揀份件心水玩具過聖誕啦

玩具“反”斗城「Festive Fun」

充滿歡樂氣氛的聖誕節快到了,大人細路又可以大玩特玩!今年聖誕,玩具“反”斗城以「Festive Fun」為主題,推出令人目不暇給的玩具、精彩的店內活動及驚喜的購物優惠!只要打開玩具“反”斗城的聖誕玩具指南,超過1,200件最新最齊以至獨家的玩具及產品、精選Top 15聖誕玩具推介便一目了然,令聖誕氣「Fun」爆燈!

聖誕消費激賞 「星卡」會員專享精彩雙重折扣

玩具“反”斗城將於11月1日至11月29日推出「Bonus Time」消費獎賞。「星卡」會員凡於店內淨消費價滿$400,即可獲$50優惠券乙張;

淨消費價滿$650或以上,更可獲贈$50優惠券兩張。網上購物亦可享有相同優惠!所有優惠券均可於11月30日至12月8日使用,買得愈多,慳得愈多。

同時,「星卡」會員惠顧滿$500或購買任何Price Crash 產品,即獲2倍「星卡」積分,盡享雙重折扣!

DIY紙藝裝飾工作坊

尖沙咀、荃灣、銅鑼灣及九龍灣4間分店將於11月11日至26日的周末(即11月11至12日、18至19日及25至26日)下午2時至5時舉行DIY聖誕紙藝裝飾工作坊,供小朋友發揮創意,自製專屬的聖誕紙藝吊飾。名額先到先得,額滿即止。 同時,於十一月的周末,玩具”反”斗城的吉祥物傑菲(Geoffrey)及一眾卡通主角如Britt Bear及LEGO系列的Santa Mascot等更會突擊現身分店與小朋友見面,近距離與他們握手合照。

「尋找你的聖誕好朋友之旅」 聖誕驚喜體驗

玩具“反”斗城的3間分店 (尖沙咀店、紅磡店、銅鑼灣店)將於11月10日至12月10日貼心推出「尋找你的聖誕好朋友之旅」。小朋友可於入口處領取一張遊戲表格及一支「Geoffrey魔法筆」,尋找隱藏於店內不同角落的可愛小伙伴,過一個歡樂無窮的聖誕﹗小朋友只須揮動手中的魔法筆,於指定位置點擊聆聽不同角色的專屬英語叫聲,辨別聲音中的角色,然後於遊戲表格填上答案,便可獲取一份精美小禮物!透過參與益智互動的小遊戲,小朋友學會主動尋求答案,發揮自主的學習精神。能夠寓學習於娛樂,無論大人細路,都應該相當喜歡吧 ﹗

(以上資料更新至文章當日)

關鍵詞
玩具模型