【親子保育】屯門 紅樓 中山公園

專欄

廣告

因為最近紅樓有機會面臨清拆,所以為此重新推出這篇Blog文,希望可以力保及捍衛紅樓不被清拆

我哋由元朗公園搭輕鐵直接去到蝴蝶站, 唔駛半個鐘!
落車後沿天橋上去就會見到紅樓個指示牌

Photo byiPhone 5S

Photo byiPhone 5S

Photo byiPhone 5S
見到紅樓個牌之後就沿住橋落去地面,
一落到地下就見到周圍都係荔枝樹!
真係幾大粒喎, 好想上去摘D嚟食!

不遠就會見到一個紅樓休憩處, 真係得一個亭, 乜都冇架
而且多蚊到不得了, 其實政府可唔可以唔好再亂駛錢,
起咗個小公園仔又乜都冇, 搵鬼嚟呀?

我叫Hysan俾我影張相, 佢都好合作即刻走走鏡同飛快咁離開
影既時侯都要R腳, 小朋友既肉真係好食D

踩住Scooter超快九秒九飛快離開紅樓公園仔

其實另一邊仲有個大草地, 可以俾小朋友玩,
但係實在多蚊得好緊要,
可能冬天嚟會好D

當我以為頭先個亭就係叫做紅樓, 原來唔係….

再行多幾步就會見到中山公園個大牌!
原來中山公園就係叫紅樓! 滴汗….一直以為係兩個唔同既地方

點解呀芊你要帶埋你屋企件衫出嚟?!!?

同樣係有好多蚊, 所以只有我同Hysan兩個男人入去
我一路叫佢踩快D, 避開D蚊!

好不幸佢已經俾蚊咬咗兩三吓, 唯有快D入去到此一遊啦

轉個彎見到有個小門(唔識講佢叫咩? 框? 樑?)

轉左呀!

終於到啦, 原來只係一個插咗好多支台灣旗既地方
仲有一個孫中山既紀念像, 當然我冇咩時間停留喺度
同Hysan講解孫中山既歷史,
所以我哋影咗幾張相就好快走咗

Photo byCANON 5D Mark III,Len|EF 24-70mm f/2.8L II USM

呀劍評分:7分

呀劍評語:即便紅樓是否能被認可為有效文物,但都希望紅樓可以被列為歷史建築之一!

地址

新界屯門龍門路地段四十五號

交通

輕鐵610, 615, 615P (去紅樓中山公園可於蝴蝶站下車) 步行5分鐘

其他交通工具請參閱網頁

(以上資料更新至文章當日)