【親子推介】親子一站式租賃住宅 黃金海岸住宅2期

黃金海岸住宅2期

大家去黃金海岸多數都係去游水或者去商場逛逛，其實你哋有冇諗過住喺度，今次有機會到此一遊兼睇樓，玩室內遊樂室，仲有得做小農夫，攪到我都好想搬過嚟住(這些機會…)呢日一入到住宅區真係好靜好悠閒好舒服

在黃金海岸二期，發展商將21座全揀改建為Apartment以租住方式提供72個單位，一梯三伙，全部都係三房連工人房！

大堂Lobby都已經好靚仔! 好似入咗間酒樓咁

我哋睇既單位係17樓A室，單位租賃樓面面積1,372平方呎，實用面積1,069平方呎，超優雅裝修佈置

呢個270度全天侯無敵大海景，真係即刻變心心眼，雙邊落地玻璃，左望至龍珠島右望至黃金海岸酒店及遊艇會，如果真係住喺度我諗晚晚都會坐喺窗邊發呆超正

行出去露台真心好舒服，因為好大個空間好寛落，一定唔似得彊屍露台得個「企」字

主人房同樣望到好寛闊嘅海景，真係瞓醒起身嗰吓人都精神D

當然主人房連埋厠所啦! 同客廁一樣咁大

客廁及主人房套廁都好寛敞好實用，絕對唔會好似D新盤咁坐喺個馬桶扮「步驚雲」已經碰到兩邊牆。

廚房超實用仲有間工人房同獨立廁所，唔駛同工人一齊爭廁所！

出番去大廳兩個攤喺梳化度嘆世界

希望有朝一日都可以擁有一個5星級的家

離開咗示範單位，轉個彎去參觀住宅會所，見到一大遍草地，呢度係住宅區的戶外草地遊樂場，不會對外開放，只會係黃金海岸住戶先享有的草地!

真的很大，我目測都有3-4個7人足球場咁大

會所裡面設有健身室，咩健身器材都齊備!

兩個人身鬼大又要學人健身(需要家長陪同)

嘩…唔好亂嚟呀…

行出健身室的另一邊就係網球場，有3個咁多，一定唔怕Book唔到場!

上咗一層就係Party Room! 大家可以喺度攪番個私人Party 或幫小朋友攪個生日會，地方夠哂大

仲有個戶外平台可以燒嘢食或者俾小朋友喺度任跑任跳

喺平台望番落去有個好大好大既泳池呀

參觀過基本設施之後，小朋友的主菜嚟啦! 這個室內兒童遊樂場大就唔算大，但係如果唔想出街，同小朋友嚟呢度放吓電都絕對足夠!

裡面設有兒童洗手間

兒童遊樂場有迷宮是常識吧!

同場有小小豬Kinsey同哥哥芊芊一齊玩!

另一邊有氣墊球玩! 大家都好守規矩排隊每次玩一局

呢個Area一定係俾小小小朋友玩架啦!

呢個哥哥乜都玩一齊…你7歲啦!

呢邊睇落去好似一個小島咁!

兩個自創小遊戲

離開會所一出門口轉左直行就會見到韆鞦樂園

一個只有韆鞦的公園，有7組不同類型的韆鞦圍着，地面全部係安全軟墊，十分安全!

玩既時侯同時可以望住對面玩緊既小朋友!

另外一個最有賣點既雙人韆鞦，喺香港的公園都比較少見! 一邊係俾身高較小110厘米以下的小朋友坐，另一邊係俾家長或者好似哥哥咁既大朋友坐

有種似海盜船既感覺

哥哥拋到好高，開始有離心力，芊芊都變得驚驚哋，哈哈!!!

又驚又笑!! 唔知係咩心情

呢個親子韆鞦啱哂佢兩兄妹玩!

附近仲有D石像調素，原來走埋去都有得玩架喎!

我叫哥哥同妹妹自己發揮創意，走埋去石像度同佢哋影相，配合石像的動作可以有唔同既故事劇情

妹妹呢個係咩動作? 打劫定綁架?

如果同真人玩嗰陣佢咁樣拉人哋孖辮就慘喇…

哥哥扮同佢玩包剪揼，兩邊都贏哂!!!

其實只要花D心思，就可以利用環境教學! 就咁玩都可以玩咗成半個鐘! 真係利害(自己讚自己)

其實佢哋做咩呢? 係咪大家一齊發現寶藏呢?

食完個下午茶，我哋又番返嚟住宅二期，參與這個兒童黃金開心農莊Fun Farm的活動

農耕師一早為大家預備好格格田，可以隨時開始種嘢! 今次「創意有機種植工作坊」教呢咩?

1. 介紹何為有機種植

2. DIY 農田及移栽植物

3. 介紹蔬菜種類及其營養

4. 教授種植方式或收割方法

5. 創作天然及有機的農藥

農耕師Max叔叔帶來自己家裡農田收成的蔬菜，歡近大家幫襯!

點解種植都會有勞作工具?

因為每塊田都要記低係種植緊D咩? 同時可以記低係邊個小朋友塊田!

我哋先開始熱個身，翻鬆一下泥土! 裡面有好多根好多雜草，所以我哋要先除掉佢哋!

翻翻下隔離鄰居的Kinsey田裡發現鼻涕蟲!

我哋塊田同樣發現一隻好似蚯蚓的害蟲，Max叔叔話要即刻除掉，話呢D都係破壞種植的蟲!

哥哥望望塊田「都差唔多啦!」

然後Max叔叔俾咗D肥料我哋，兩個小朋友好悉心咁照顧泥土

然後我哋將泥土放入盆栽裡，因為我哋冇咩機會再番嚟呢塊田度，所以一於拎番屋企慢慢種

小朋友等咗咁耐，最鍾意喜愛既環節就係…淋水!!!

之後Max叔叔再剪我紅黃椒俾小朋友睇吓種子，再每個小朋友俾幾粒佢哋放落泥土裡種

完成哂今日黃金海岸住宅2期的參觀，仲要多謝黃金海岸住宅2期送我哋小小紀念品^.^

Photo byCANON 5D Mark III,Len|EF 24-70mm f/2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分:10分

呀劍評語:真

香港黃金海岸住宅 2 期全新海景示範單位簡介

香港黃金海岸住宅斥資達 5,000 萬元，為項目第 21 座樓王進行大型翻新工程，全新裝修之 17 樓 A 室廣角海景三房大宅，單位租賃樓面面積 1,372 平方呎，實用面積 1,069 平方呎，空 間寬敞且設有優雅裝修佈置及雙邊落地玻璃，盡覽遊艇會及南中國海之遼闊海景。

經過翻新後之第 21 座樓王，提供 72 個單位，一梯三伙設計，全屬三房連工人房大宅，設備 齊全。A 單位租賃樓面面積 1,372 平方呎，實用面積 1,069 平方呎；B 及 C 單位租賃樓面面 積均為 1,138 平方呎，實用面積 875 平方呎。同時設有頂層特色單位連天台。

香港黃金海岸住宅會所簡介

黃金海岸住客會所亦提供一系列優質設施供住客使用，包括佔地 2,000 平方米戶外園林游泳 池、全新健身室、遊樂設備多元的遊玩區、網球場、壁球場、池畔燒烤場、大草地等。

韆鞦樂園簡介

香港黃金海岸住宅會所新建的韆鞦樂園 Swing Garden，為小朋友帶來驚心刺激的玩槳時光，一洗讀書功課所致的壓力。7組不同類型的韆鞦圍著而建於全新的安全軟墊上，小朋友在玩樂同時欣賞其他人的歡樂笑容。部份韆鞦特設背部防跌欄，更能確保安全。另一焦點則為全港稀有的雙人韆鞦，一邊為身高110厘米以下的小朋友而設，另一邊則可讓家長同坐於韆鞦之上，韆鞦跌蕩彷彿坐上小型海盜船，既驚險又刺激!

兒童黃金開心農莊簡介

香港黃金海岸住宅為會所內的兒童黃金開心農莊Fun Farm 提供「創意有機種植工作坊」，於指定期間內的每個周六都設有專業農耕老師到場，為您提供一個專屬的親子時段，由淺入深講授有機種植的知識。一家大小可透過親子工作坊發揮協作精神，從撒種到收割，訓練小朋友對周邊事物施予照顧及保護，繼而培養小朋友的責任感。另外，所得之收成亦會安排捐予獻慈善機構，一同體會「施比受更為有福」。

地址

黃金海岸住宅 2 期

電話

2441 4813

(以上資料更新至文章當日)

Facebook專頁:呀劍萬帥 kimfamilytravel
Blog網誌 :kimfamilytravel.blogspot.hk