中秋節玩燈籠食月餅
廣告
每逢佳節倍思親，雖然嫁咗個外國人，但係呢啲節日，都唔少得傳統禮節同埋食品，我同囡囡Jasmine最鍾意中秋節玩燈籠食月餅，我仲好記得細個嘅時候，好鍾意中秋節，因為可以出街玩燈籠點蠟燭。Jasmine都唔例外好鍾意中秋節，除咗唔同卡通人物嘅燈籠之外，出奇地佢好鍾意食月餅。無論傳統奶皇月餅，蓮蓉月餅定係蛋王月餅，佢都食得津津有味！
今年有幸參與會展舉行嘅食品展記者會，係奇華月餅攤位做奇華奶黃小天使，同現場嘉賓同記者分享月餅，Jasmine未開始已經好開心，好想試D美味嘅月餅， 原來除咗傳統嘅蛋黃蓮蓉月餅同埋雙黃蓮蓉月餅之外，奇華仲出好多唔同嘅種類，例如金華火腿五仁月，余仁生陳皮豆沙月，麥芽糖醇高纖果仁月等等.
而今年，Jasmine就負責介紹今年最新推出嘅3款新款月餅：麥芽糖醇低糖奶黃月餅，蜜餞子薑月餅，同埋柚子月餅！真係好多種類適合唔同嘅口味，我就偷偷地試咗柚子味嘅月餅，食落好大陣柚子味，?好似飲咗成杯日本柚子汁咁樣.
講起奇華月餅，原來都幾有緣份， 10年前媽媽幫曾志偉平面廣告化妝，今日囡囡幫品牌做大使，呢個歷史悠久嘅品牌喺香港自設廠房70年，就好似香港傳統一樣，一代一代可以繼續品味節日嘅氣氛。
