元朗區首個 全新開幕 免費兒童遊戲室 親子好去處

呢個遊戲室以糖果設計為主題，當中亦加入咗唔小元朗特色嘅元素: 包括輕鐵，祠堂，元朗百鳥塔等都變身成Q版可愛嘅圖像，令大家可以了解元朗多一點。

元朗兒童遊戲室面積約160平方米，相比起其他康文署室嘅遊戲室來講係面積細了一點。我地今日差不多6點去到，真係大排長龍了。

兒童遊戲室係有分唔同時間場次進入，係需要預先拎號碼牌，額滿就要等下一場啦，當日我地問過場場都係爆滿呀，職員同我地講可以入到場玩嘅朋友，都係提前最小2小時來排隊的呢。而且係按人頭派號碼牌，1人拎1張，唔可以代拎。其實咁樣亦係確保大家都可以公平咁享用政府提供嘅免費設施。

元朗兒童遊戲室每場大人同小朋友限制咗一共26人，始終遊戲室面積比較細，所以唔似之前我地去其他遊戲室限制係40人。

提提大家爸媽們，遊戲室係要著襪確保衛生先可以入場呀，記得帶襪去唷。

一般遊戲室約適合142cm以下嘅小朋友，而年齡係4歲以下嘅小朋友就要由家長或監護人陪同使用。再者遊戲室四周都有好厚嘅軟墊包住，安全性算唔差。每節中間有十分鐘嘅清潔時間。體育館3樓亦設有育嬰室，方便幼童同家長照顧嘅需要。

場內嘅遊戲都可以幫助小朋友小手協調，創意，真係一個不錯嘅免費好去處。

今次去絕對可以話係人山人海，畢竟都係元朗區第一個免費兒童遊戲室(唔計天水圍)，或者我地等呢個開幕熱潮減退，再帶孖寶來玩吧！

元朗體育館

地址：元朗馬田路52號元朗文化康樂大樓3樓

順帶一提，沿路經過有間食店，門外大排長龍呀，人龍同等入遊戲室嘅隊列真係不相上下呀!

我和孖寶的Facebook Page:荔枝與孖寶

我和孖寶的 Instagram IG#:laichimama

If there is any question or you looking for me and the boys, please feel free to contact LaiChiMaMa via Email:[email protected]