同小慧孖住去蒸腳

專欄

廣告

小慧同我身為媽媽平時都好忙,咁啱小朋友最近開學,所以呢日趁佢哋返晒學,有幾個鐘頭得閒,一於輕鬆吓,齊齊去蒸腳!

做咗媽媽之後少咗做運動,加上成日坐,足部循環冇咁好。原來足部循環好,心臟就唔需要額外加壓輸送血液至足部末梢,從而減少發生高血壓,心臟病及中風等高危疾病,另外,膝頭以下到腳底有好多重要穴道,所以經常蒸腳可以促進新陳代謝,減少失眠,因為腳底穴道多,早晚蒸腳可以減少感冒。

而今次同小慧幫襯嘅足療店,除咗用天然木桶薰蒸,仲有億萬年能量嘅喜馬拉雅山岩鹽,同嚟自世界頂級有機香薰精油。

呢種鹽含有百幾種微量元素,當中好多元素食物裡面都冇,所以吸收咗對我哋嘅免疫系統好有幫肋,而人體所有穴位都會經過腳底,所以透過鹽、精油、同蒸氣喺腳底吸收,可以令身體吸收需要嘅營養同微量元素,血液循環好咗,活化細胞,就會減少好多病痛,身心都健康啲!

咁 work,小慧同我梗係坐定定慢慢嘆啦!店員首先幫我哋喺腳底搽精油,跟住將鹽放入一部機仔煲滾,蒸氣會通過喉管進入木桶,見到出晒煙就可以放對腳入去蒸 30 分鐘,蒸完就等於跑步一個鐘喇!

突然發現旁邊有一嚿好大好靚嘅岩晶,原來係佢哋舖頭獨有!

呢啲咁特別嘅天然鹽晶燈,原來係用喜馬拉雅山天然鹽晶岩製成,要人手喺 5000 米深地底挖掘,所以每件都係美麗同天然形狀嘅岩石,係獨一無二嘅罕有藝術品。每件鹽晶都能夠保存純天然獨特稀有嘅色彩,當然包括長年累月壓縮混合而成嘅 1% 礦身質, 同 99% 嘅鹽。

開着咗嘅天然鹽晶燈,會發放集塵嘅負離子,靜化過多嘅正離子,避免呼吸道受異物刺激,同時促進呼吸器官上織毛性運動排走異物、灰塵同廢物,防止呼吸器官受異物感染、刺激同傷害。負離子仲會強化細胞功能,排走二氧化碳,吸收氧氣,繼而增加肺活量,降低呼吸量及降低呼吸頻率、平滑肌膚緊張度,增進呼吸道黏液分泌正常,及降低黏膜嘅分泌同刺激反應。

身體長期處於對抗過多正離子嘅環境,會容易攰,而休息並唔能夠補充能量,長遠係要令免疫系統有適當嘅休養。而鹽晶燈就可以減輕過敏、頭痛同花粉症;減低哮喘病發、疲勞、傷風、感冒。有助增強免疫力、頭腦清醒、警覺性、精神集中、肺部容量同生產力。

有研究報告指出,鹽晶燈有助哮喘同花粉症病人,半數哮喘病人常用鹽晶燈後 6 個月內,再冇返發徵狀。有 62.9% 花粉症病人常用鹽晶燈後更有明顯改善。

望住鹽晶燈滲透嘅杏白色柔和微光,即刻成個人冇晒壓力、唔再緊張、開懷、寧靜同放鬆,跟住就瞓着咗喇。

瞓着咗嘅時候,呼吸住天然鹽晶岩過濾嘅優質空氣,而鹽係一種天然同主要元素,幫助我哋清除支氣管內嘅微生物同細菌,令身體機能保持平衡,回復最佳狀態,增強體力,所以我瞓醒之後精神晒,相信我間唔中去蒸吓腳,醫生見少啲,藥都食少啲!^^

亦因為鹽有殺毒除菌功效,及有好強嘅清潔能力,用鹽蒸腳可以利用水嘅熱力清潔雙腳,仲去埋角質呀!唔止對腳即刻白滑晒、舒服晒,夜晚仲好好瞓添!

一於約埋小慧再去過!:)

FB: KeicyKK